İdman

“İnter” “Roma”nın “daşını daş üstə qoymadı”

6 Aprel 2026 08:54
Baxış: 1 511
VTB-də minimal faiz dərəcəsi ilə nağd kredit 9.9%-dən
#İNTER #FUTBOL #SERİYA A #ROMA

İtaliya A Seriyasının 31-ci turu çərçivəsində "İnter" və "Roma" komandaları arasında prinsipial qarşılaşma baş tutub.

Milli.Az Trend-ə istinadən bildirir ki, Milandakı "Cuzeppe Meatza" stadionunda keçirilən oyun meydan sahiblərinin 5:2 hesablı möhtəşəm qələbəsi ilə yekunlaşıb.

Baş hakim Simone Sodzanın idarə etdiyi matçda hesabı artıq ikinci dəqiqədə "İnter"in hücumçusu Lautaro Martines açıb. Qonaqlar 40-cı dəqiqədə Canluka Mançininin qolu ilə tarazlığı bərpa etsələr də, ilk hissənin sonuna əlavə olunmuş vaxtda Hakan Çalhanoğlu milanlıları yenidən önə keçirib.

İkinci hissədə "İnter" üstünlüyünü daha da artırıb. 52-ci dəqiqədə Lautaro Martines dublunu rəsmiləşdirib, 55-ci dəqiqədə Markus Türam fərqi böyüdüb. 63-cü dəqiqədə Nikolo Barella hesabı 5:1 edərək oyunun taleyini həll edib. "Roma"nın yarımmüdafiəçisi Lorentso Pelleqrini 70-ci dəqiqədə fərqi azaldaraq matçda son nöqtəni qoyub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.