Ermənistan

Simonyanın milyardları üzə çıxdı

6 Aprel 2026 11:15

Baxış: 2 639

VTB-də minimal faiz dərəcəsi ilə nağd kredit 9.9%-dən

#RUSSİA #ERMƏNİSTAN #ERMƏNİ

Kremlin əsas təbliğatçısı Marqarita Simonyan ilə bağlı yeni iddialar gündəmə gəlib.

Milli.Az xəbər verir ki, Marqarita Simonyanın rəhbərlik etdiyi RT ("TV-Novosti") strukturu xaricdə təbliğat fəaliyyətinə milyardlarla pul xərcləməyə davam edir.

Bildirilir ki, təbliğat şəbəkəsi Latın Amerikasından Balkanlara və Avropaya qədər geniş ərazini əhatə edir. Son bir ildə isə əsas fokusun məhz Avropa istiqamətinə yönəldiyi qeyd olunur. RT müxtəlif ölkələrdə jurnalist və blogerlərlə işləyir, yeni platformalar yaradır və fərqli auditoriyalar üçün uyğunlaşdırılmış məzmun yayır.

Məlumatda qeyd olunur ki, Simonyanın sosial şəbəkə göstəricilərində də azalma var. Xüsusilə Telegram bloklamalarından sonra onun kanalının reklam əhatəsi 50%-dən çox azalıb, Kremlə bağlı rəsmi kanalda isə bu azalma 60%-ə çatıb. Eyni zamanda Max platformasında onun auditoriyası Telegram ilə müqayisədə təxminən 3 dəfə azdır.

Diqqət çəkən digər məqam isə Simonyanın yeni kitabıdır. O, fantastika janrında kitabını təxminən 200 min tirajla nəşr etdirib. İddialara görə, kitabın ideyası və adı MGİMO ilə əlaqəli bir müəllifin konsepsiyalarından götürülüb.

Kitabda "ikinci gəlişdən sonra dirilən" liderlər, "SVO" iştirakçıları və təbliğatçılar kimi süjet xətti yer alır. Bildirilir ki, bu kitab artıq Almaniyada da satışa çıxarılıb.

Bundan əlavə, materialda Simonyanın şəxsi həyatı ilə bağlı açıqlamalarının da müzakirə doğurduğu qeyd olunur. Onun səhhəti və ailəsi ilə bağlı bəyanatları ictimaiyyət və hətta bəzi həkimlər tərəfindən şübhə ilə qarşılanır.

Beləliklə, təqdim olunan məlumatlar Simonyanın həm beynəlxalq təbliğat fəaliyyəti, həm də şəxsi layihələri ətrafında ciddi müzakirələrin getdiyini göstərir. /Musavat.com

Milli.Az

Milli.Az - Xəbər Portalı

Simonyanın milyardları üzə çıxdı

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?