İran

Nüvə müzakirələri ərəfəsi gərgin anlar: İrandan sürpriz əməliyyat

5 Fevral 2026 23:52
Baxış: 2 619
VTB-də minimal faiz dərəcəsi ilə nağd kredit 9.9%-dən
#IRAN

İran İnqilab Keşikçiləri Korpusunun Dəniz Qüvvələri Bəsrə körfəzində "qaçaq yanacaq daşıdıqları" iddiası ilə iki tankeri saxlayıb. Əməliyyat zamanı 1 milyon litrdən çox yanacaq ələ keçirilib və 15 xarici heyət üzvü saxlanılıb.

Milli.Az xəbər verir ki, SEPAH-ın Dəniz Qüvvələrinin 2-ci Bölgə Komandiri Heydər Hünəriyan Mücərrəd bildirib ki, əməliyyat Farisi adası yaxınlığında keçirilib. Onun sözlərinə görə, tankerlərin daxilində 1 milyon litrdən çox qaçaq yanacaq aşkarlanıb.

Gəmilərdə olan 15 nəfərlik heyət üzvü saxlanılaraq məhkəmə orqanlarına təhvil verilib. İran rəsmisi hələlik saxlanılan şəxslərin hansı ölkənin vətəndaşları olması və ya tankerlərin hansı dövlətin bayrağı altında üzməsi barədə dəqiq məlumat verməyib.

Bu hadisə ABŞ və İran arasında sabah keçirilməsi planlaşdırılan və "müharibə, yoxsa sülh?" sualına cavab tapacaq tarixi görüşdən cəmi bir neçə saat əvvəl baş verib. Analitiklər bunu İranın danışıqlar masasına oturmazdan əvvəl bölgədəki (xüsusilə Hörmüz boğazı və Bəsrə körfəzi) nəzarətin onun əlində olduğunu göstərmək cəhdi kimi qiymətləndirirlər.

Bəsrə körfəzi dünya neft daşımalarının əhəmiyyətli bir hissəsinin keçdiyi marşrut olduğu üçün bu cür əlqoyma hadisələri beynəlxalq enerji bazarlarında da narahatlıq yaradır. ABŞ-nin bu hadisəyə verəcəyi reaksiya sabahkı müzakirələrin atmosferinə birbaşa təsir edə bilər.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.