İran

İrandan Trampa hərbi nümayiş: Hörmüz boğazında təlimlər başlayır

28 Yanvar 2026 00:40
Baxış: 1 719
VTB-də minimal faiz dərəcəsi ilə nağd kredit 9.9%-dən
#IRAN

ABŞ-nin "USS Abraham Lincoln" təyyarə gəmisini bölgəyə yerləşdirməsinə cavab olaraq Tehran strateji əhəmiyyətli Hörmüz boğazında genişmiqyaslı hərbi təlimlərə start verir. İran tərəfi boğaz üzərindəki hava sahəsinin uçuşlar üçün təhlükəli olduğunu elan edib.

Milli.Az xəbər verir ki, İran rəsmi olaraq aviasiya xəbərdarlığı (NOTAM) yayımlayaraq bildirib ki, 27-29 yanvar tarixlərində Hürmüz boğazı xəttində hərbi atəş təlimləri keçiriləcək.

Təlim müddətində yer səviyyəsindən 25 min fut (təxminən 7,6 km) hündürlüyə qədər olan hava məkanı "məhdudiyyətli və təhlükəli" zona elan edilib.

Hərbi fəaliyyətlər 5 dəniz mili radiusunda olan dairəvi sahədə icra olunacaq.

ABŞ Hərbi Hava Qüvvələri Mərkəzi Komandanlığı (AFCENT) da bölgədə bir neçə gün davam edəcək hazırlıq təlimlərinə başlayacağını duyurub. Məqsəd ABŞ-ın döyüş hava gücünü sürətlə yerləşdirmə və operativ idarəetmə qabiliyyətini nümayiş etdirməkdir. Hazırda ABŞ-ın "USS Abraham Lincoln" təyyarə gəmisi regional sabitliyi qorumaq adı altında Yaxın Şərq sularında lövbər salıb.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.