İran

İranda hicabdan imtina etdiyinə görə güneyli qızın həyatı təhlükədədir - FOTO

24 Oktyabr 2023 19:23

Baxış: 2 035

VTB-də minimal faiz dərəcəsi ilə nağd kredit 9.9%-dən

#DÜNYADA #IRAN #HİCAB

Bir müddət öncə Təbrizdə məcburi hicab tələbindən imtina etdiyinə görə təhlükəsizlik qüvvələri tərəfindən döyülərək psixiatriya xəstəxanasına aparılan Röya Zakerinin vəkili ilə görüşməsinə icazə verilməyib.

Röya Zakeri Təbrizin Təhlükəsizlik və Kəşfiyyat (ETTELAAT) İdarəsinə aparılıb.

Milli.Az musavat.com-a istinadən bildirir ki, bu barədə "Azad İran" "Telegram" kanalı məlumat verib.

Güneyli vəkil Sina Yusifi "X" hesabında Röyanın həyatının təhlükədə olduğunu yazaraq, onun barəsində məlumat paylaşıb.

"Röyanın vəkillə görüşünə icazə verilmir. Ötən il payızda kütləvi etirazlara qatıldığına görə işlə təmin olunmayıb. Röyanın vəziyyəti barədə düzgün məlumat verilmir. Ona görə də həyatı təhlükədədir. Onun səsi olaraq hakimiyyət tərəfindən işgəncə verilməsinə və həyatının itirilməsinə mane olmalıyıq", - deyə o bildirib.

Qeyd edək ki, Röya Zakerinin adı sosial şəbəkələrdə "Təbrizin qızı" olaraq yazılır.

Milli.Az