Güneydə soyuq, aclıq, ümidsizlik - Bakı yardım təklif edir, Tehran istəmir

Xəbər verildiyi kimi, bir neçə gün bundan öncə İranda əsasən soydaşlarımızın yaşadığı bölgələrdə güclü zəlzələ baş verib. Təbii fəlakət soyuq qış günlərində yüzlərlə insanın ev-eşiyindən mərhum olmasına, küçələrdə gecələməsinə gətirib çıxarıb. Təqdim olunan video və fotolarda küçələrdə gecələyən insanların yalvarışları, dövlətdən hər hansı bir yadım ala bilməmələri aydın görünür.

Adətən görünüb ki, belə hallarda təbii fəlakət yaşanan ərazilərə dərhal yardımlar göstərilir, insanların üzləşdiyi problemləri həll etməyə reaksiya verilir. Gücü çatmayanda da yardım üçün qonşu dövlətlərə müraciət edilir və yardımlar qəbul edilir. Lakin zəlzələ yaşanan terrorçu dövlət nə edir? Müraciət edən ölkələrin nəinki yardım müraciətlərinə reaksiya verir, əksinə, onları rədd edir. Bununla da fars molla rejimi növbəti dəfə xislətini ortaya qoymuş olur. Soydaşlarımıza qarşı nifrətini bu formada biruzə verir. Neçə gündür ki, küçələrdə gecələyən insanların yalvarışlarına, çağırşılarına məhəl belə qoyulmur.

Terrorçu dövlət rəsmi Bakının Xoyda zəlzələdən zərər çəkmiş soydaşlarımıza yardım etməyə hazır olduğunu bəyan etsə də, İran buna imkan verməyib. Azərbaycan tərəfi Tehrandakı səfirliyə hücumdan sonra qarşı tərəfin təxribatçı addımlarına baxmayaraq, humanist addım ataraq qardaş xalqa yardım etmək istəyir. Fars molla rejiminin antitürk nifrəti o həddə açtıb ki, hətta Türkiyədən belə yardımları qəbul etmək istəməyib. Bu cür aqressiv davranış, heç bir yardım göstərilməməsi və yardım göstərənlərə mane olması İranın daxili siyasətində azərbaycanlılara qarşı etnik ayrı-seçkiliyin göstəricisidir və öz vətəndaşlarına münasibətdə humanitar terror adlandırılmalıdır. Ən əsası, özünü islam respublikası adlandıran dövlətin dindən sadəcə vasitə kimi istifadə etdiyinin nəticəsidir. Ümid etmək olar ki, İranda yaşayan milyonlarla soydaşımız bəlkə bu kimi hallara etiraz edib hakim rejimə etirazlarını çatdıracaqlar.

Azər Nuriyev
Milli.Az