İran

İranda kütləvi etiraz aksiyaları keçirilir - FOTO

14 May 2022 12:45

Baxış: 2 278

VTB-də minimal faiz dərəcəsi ilə nağd kredit 9.9%-dən

İranın müxtəlif şəhərlərində kütləvi etiraz aksiyaları keçirilib.

Milli.Az qafqazinfo-ya istinadən xəbər verir ki, bu barədə məlumatı "Anadolu" agentliyi yayıb.

Məlumata görə, etirazların keçirilməsinə səbəb ölkədə ərzaq məhsullarının qiymətinin artırılması və bəzi qida məhsullarının çatışmazlığı olub.

Aksiyalar əsas olaraq Loristan əyalətinin Burucard və Durud şəhərlərində, Çaharmahal Bəxtiyari əyalətinin Cunqan və Farsan şəhərlərində, Kohquluye və Boyer-Əhməd əyalətlərində keçirilib.

Sosial şəbəkələrdə yayılan görüntülərdən polisin aksiya iştirakçılarına qarşı gözyaşardıcı qazdan istifadə etdiyini, aksiyanı dağıtmaq üçün atəş açdığını görmək mümkün olub.

İran mediasının məlumatına görə, ötən gecə aksiyalarda 22 nəfər saxlanılıb. Bildirilir ki, aksiya keçirilən şəhərlərdə internet məhdudlaşdırılıb.

Milli.Az