Maraqlı

Bağçaya kül səpin: Möcüzə yaradır

9 Sentyabr 2026 02:02

Baxış: 228

VTB-də minimal faiz dərəcəsi ilə nağd kredit 9.9%-dən

#MARAQLI

Sobada, kərpic ocaqda və kamp tonqallarında əldə edilən odun külü payızda torpağa təbii qatqı maddəsi kimi istifadə oluna bilr. Tərkibində kalium, kalsium, fosfor və maqnezium kimi qida elementləri olan odun külü torpağın turşuluq dərəcəsini aşağı salaraq pH səviyyəsini yüksəldir.

Milli.Az xəbər verir ki, külün torpağa tətbiqi zamanı diqqət yetirilməli olan məqamlara toxunan mütəxəssislər yalnız işlənməmiş və boyasız odunların küllərinin seçilməli olduğunu vurğulayıblar. Zibil, daş kömür, boyalı taxta və ya yanacaq briketlərinin yandırılması nəticəsində yaranan küllərin zərərli kimyəvi maddələr ehtiva edə bilər. Düzgün tətbiq üsulunda isə külün torpağın səthinə nazik və bərabər təbəqə şəklində səpilərək qarışdırılması lazımdır.

Həddindən artıq kül istifadəsi torpağı həddən ziyadə qələvi hala gətirərək bitkilərin qida qəbulunu çətinləşdirə bilər. Buna görə də tətbiqdən əvvəl torpağın turşuluq dərəcəsinin (pH) ölçülməsi tövsiyə olunur. Kül turş torpaqları sevən qaragilə və rododendron (orman gülü) kimi bitkilərin yetişdirildiyi sahələrdə istifadə edilməməlidir.

Bundan əlavə, növbəti mövsümdə kartof əkilməsi nəzərdə tutulan sahələrdə kül istifadəsinin pH səviyyəsini artıraraq yumrular üzərində qaysaq (uyuz) xəstəliyi riskini yüksəltdiyi bildirilir. Odun külü hər il bütün bağçaya tətbiq olunan ümumi bir gübrə deyil, yalnız aşağı pH və mineral ehtiyacı aşkar edilən torpaqlarda istifadə edilməlidir.

Müəllif: Ülkər Vəliyeva (Milli.Az redaktor)