Maraqlı

Dünyanın ilk kriptovalyuta şəhəri tikilir - VİDEO - FOTO

23 Noyabr 2021 17:12
0 Şərh     Baxış: 1 202

Salvador hökuməti ölkədə bitkoinə həsr olunmuş şəhər tikməyi planlaşdırır.

Milli.Az Oxu.az-a istinadən xəbər verir ki, layihə "Bitcoin City" adlandırılıb. Bunu ölkə prezidenti Nayib Bukele "Bitcoin Week" konfransında deyib.

Onun sözlərinə görə, şəhər dairəvi formada olacaq və onun mərkəzində nəhəng "B" simvolu şəklində sərgi kompleksi yaradılacaq. "Bitcoin City" sakinləri ƏDV istisna olmaqla, bütün vergilərdən (gəlir, əmlak, kapital artımı və s.) azad olacaqlar. Həmçinin, yeni şəhər yalnız bərpa olunan geotermal enerji mənbələrindən istifadə edəcək.

"Bitcoin City"nin tikintisini maliyyələşdirmək üçün Salvador hökuməti 1 milyard dollar dəyərində tokenləşdirilmiş 10 illik istiqrazlar buraxacaq. Bu layihədə ölkənin tərəfdaşları "Bitfinex" və "Blockstream" şirkətləridir.

Salvador - dünyada bitkoinin qanuni ödəniş vasitəsi statusuna malik olduğu ilk ölkədir (ABŞ dolları ilə bərabər). Sentyabrın 7-də ölkədə müvafiq qanun qüvvəyə minib. Həmin gün səlahiyyətlilər ilk 550 bitkoini alıblar. Sentyabrın 20-də (150 BTC) və oktyabrın 28-də (420 BTC) Salvador hökuməti tərəfindən bitkoinlərin əlavə alışları həyata keçirilib.

Milli.Az

Məqaləyə dair fotomateriallar:

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.