Maraqlı

“Qırmızı şəhər” Bolonya - Fotoreportaj

10 Oktyabr 2021 19:49
0 Şərh     Baxış: 273

İtaliyanın şimalında yerləşən Bolonya şəhəri eyni adlı vilayətin və Emiliya-Romanya bölgəsinin inzibati mərkəzidir. Milli.Az AZƏRTAC-a istinadən bildirir ki, inkişaf etmiş sənayesinə və bir neçə nəqliyyat dəhlizi bu şəhərdən keçdiyinə görə Bolonya İtaliyada həyat səviyyəsinə görə ilk sırada qərarlaşan şəhərlərdəndir. Bundan əlavə, kənd təsərrüfatının Bolonya iqtisadiyyatına böyük töhfəsi var. İtaliyada əhalisinin sayına görə 7-ci olan Boloniyada əhalinin 90 faizi italyanlardan, qalanları isə müxtəlif Avropa ölkələrindən və Şərqi Asiyadan olan insanlardan ibarətdir.

Bolonya Avropanın tarixi şəhərlərindən biridir

Tarixi memarlıq quruluşu və binaların çoxu qırmızı kərpicdən tikildiyi üçün Bolonya "Qırmızı şəhər" də adlandırılır. Dünyanın ən önəmli orta əsr intibah dövrü və barokko sənət əsərlərini Boloniyada görmək bilər mümkündür. Bundan əlavə, Bolonya orta əsr qüllələrinin, qədim binaların, tarixi kilsələrin vəhdət təşkil etdiyi memarlıq və incəsənət şəhəridir. Bütün bunlar 2000-ci ildə Bolonyanın Dünya Mədəniyyət Paytaxtı seçilməsində böyük rol oynayıb.

Dünyanın ən qədim universiteti - Bolonya Universiteti

Bolonya Universiteti dünyanın ən qədim universitetidir. 1088-ci ildə qurulan universitet hələ də fəaliyyət göstərir. Hazırda bu təhsil ocağında şəhərin mədəni və sosial həyatını zənginləşdirən minlərlə tələbə təhsil alır. Bölgənin mədəni inkişafında böyük əhəmiyyətə malik olan universitetin məzunları arasında Dante, Kopernikus, Françesko Petrarsa və Erasmus kimi məşhurlar var.

İtaliyanın aşpazlıq paytaxtı

Bolonyanı, həmçinin İtaliyanın aşpazlıq paytaxtı da adlandırırlar. Bolonya italyan mətbəxinin ən yaxşı nümunələrinin sərgiləndiyi şəhərlərdən biridir. "Bolonya sousu"nun adı da məhz bu şəhərlə bağlıdır.

Tarixi və gəzməli yerləri

"Piazza Maggiere" - Bolonyanın ən məşhur meydanıdır və bir çox tarixi bina burada yerləşir. Kiçik meydan olmasına baxmayaraq ətrafındakı binalar və memarlıq nümunələri çox dəyərlidir. Boloniyanın simvollarından olan "Neptun fəvvarəsi" də məhz bu meydanda yerləşir. 1563-cü ildə Tommosa Lauret tərəfindən hazırlanmış memarlıq əsərinin üzərində Roma mifologiyasında dəniz, zəlzələ və at tanrısı hesab olunan Neptunun heykəli var.

"Palazzo Communale" - "Maggiere" meydanının qərbində yerləşən bu tarixi bina hazırda bələdiyyə binası kimi xidmət göstərir.

"Salaborsa" - əvvəllər ticarət mərkəzi kimi fəaliyyət göstərən bina hazırda kitabxana və mədəniyyət mərkəzinə çevrilib. Bina xüsusilə tavanının arxitekturası ilə turistlərin böyük marağına səbəb olur.

"Palazzo del 'Archiginnasio" - hazırda şəhər kitabxanası kimi fəaliyyət göstərən bu bina əvvəllər şəhər universitetinin mərkəzi olub.

"San Domenico" bazilikası - bura Bolonyanın maraqlı dini abidələrindən biridir və yeddi kilsədən ibarət kompleksdir. Hazırkı dövrdə bu kilsələrdən yalnız 4-ü qalıb. Burada qərb sənətinin inkişafına misilsiz təsir göstərən italyan heykəltəraş və rəssam Mikelancelonun kiçik heykəlciklərini görmək mümkündür.

"Asinelli" və "Garisenda" qüllələri - Boloniyada orta əsrə aid bir çox qüllə var. XII əsrdə varlı ailələr tərəfindən tikilmiş bu qüllələrin ən hündürü 498 pilləli "Asinelli" qülləsidir. Qüllənin yuxarı hissəsindən şəhərin mənzərəsini seyr etmək olar. Boloniyanın ən mühüm tikililərindən olan bu qüllələr şəhərin simvolları hesab olunur.

"Palazzo del Podesta"- Bolonyada bənzərsiz memarlığı olan binalardan biridir. Bu bina şəhərin yeganə turizm ofisi kimi də istifadə olunur.

Təhsildə xüsusi istiqamət - Bolonya sistemi

Hər kəsin təhsil sahəsində qarşılaşdığı Bolonya sisteminin adı da məhz bu şəhərlə bağlıdır. Bolonya sisteminin başlanğıcı 1970-ci illərin ortalarına, Avropa nazirlər sovetinin təhsil sahəsində əməkdaşlıqla bağlı birinci proqram haqqında qətnamənin qəbul etdiyi vaxtlara təsadüf edir. Prosesin rəsmi başlanğıcı isə 1999-cu il iyunun 19-u hesab olunur. Həmin tarixdə Bolonya şəhərində 29 Avropa ölkəsinin təhsil nazirlərinin xüsusi konfransında "Avropa ali təhsil məkanı" bəyannaməsi və ya Bolonya bəyannaməsi qəbul olunur. Hazırda Bolonya sistemi 50-dək ölkəni birləşdirir.

Milli.Az

Məqaləyə dair fotomateriallar:

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.