Cəmiyyət

Avtobuslarda da bank kartları ilə ödəniş mümkün olacaq - RƏSMİ

5 Noyabr 2025 15:48

Baxış: 2 637

VTB-də minimal faiz dərəcəsi ilə nağd kredit 9.9%-dən

#CƏMİYYƏT #AVTOBUS #NƏQLİYYAT

Xəbər verdiyimiz kimi, Bakı Metropolitenində sərnişinlər artıq gedişhaqlarını NFC-ni dəstəkləyən bütün yerli bank kartları, eləcə də "Apple Pay" və "Google Pay" ilə ödəyə biləcəklər.

NFC-dən istifadə zamanı bank kartlarında balans olmasa belə, sərnişinlərə birdəfəlik keçid imkanı veriləcək. Lakin balans artırılmasa, nəqliyyatda kartla ödəniş avtomatik bloklanacaq.

Qeyd edək ki, hazırda eyni turniketdən eyni kartla keçid etmək üçün 10 dəqiqə gözləmək lazım olsa da, digər turniketdən gözləmədən eyni kartla ödəniş etmək mümkündür.

Bəs, NFC ilə ödəniş sisteminin avtobuslarda da tətbiqi planlaşdırılırmı?

Bununla bağlı Milli.Az-ın sorğusuna cavab olaraq K Group-dan (BakıKart) bildirilib ki, ilin sonunadək bütün marşrut avtobuslarında da NFC ödəniş sistemi tam şəkildə tətbiq olunacaq:

"Bu addım sərnişinlərə metro və avtobuslarda eyni ödəniş rahatlığından istifadə imkanı yaradacaq. Bu layihə ilə Bakı nəqliyyatı daha çevik, müasir və texnoloji bir mərhələyə qədəm qoyur".

Mina Mikayılova
Milli.az