Maraqlı

Apple iPhone 13 modellərinin qutularında kiçik dəyişiklik edib

21 Sentyabr 2021 22:10

0 Şərh Baxış: 1 635

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

Keçən il Apple şirkəti iPhone 12 modellərinin qutularında şarj cihazını ləğv etməklə böyük səs-küyə səbəb olmuşdu. Yeni iPhone 13 smartfonlarının təqdimatlarından sonra onların qutuları barəsində maraqlı fakt ortaya çıxıb. Belə ki, bu dəfə yeni smartfonların məhz qutuları bir dəyişikliyə məruz qalıblar. İnternetdə ortaya çıxmış fotolara əsasən iPhone 13 modellərinin qutularının səth hissələri daha şəffaf örtük ilə əhatə olunmur. Onun yerinə şirkət qutulara kağız materialdan hazırlanmış xüsusi qoruyucu möhür qoyub.

Bu möhür isə öz növbəsində qutunun daha öncədən açılıb-açılmadığını müəyyənləşdirməyə imkan verəcək. Belə ki, kağız materialdan hazırlanmış möhürü zədələmədən qutunu açmaq mümkün deyil. Apple şirkətinin rəsmi saytında bu cür qərar ətraf mühitin qorunması ilə əlaqələndirilib. Şirkətin verdiyi məlumata əsasən qutularda şəffaf örtükdən istifadənin ləğv edilməsi 600 ton plastik materialdan istifadəni lazımsız edə bilər. Qeyd etmək lazımdır ki, Apple şirkəti 2025-ci ilə kimi öz məhsullarının qablaşdırılmalarında plastik materialdan ümumiyyətlə imtina etməyi planlaşdırır.

Milli.Az