Maraqlı

İnsan bilməlidir ki, hansı neməti hansı hədəflə istifadə etməlidir

14 Sentyabr 2021 23:55
3 Şərh     Baxış: 773

Bəziləri belə güman edir ki, dindar olmaq ancaq axirət üçün faydalıdır. Elə bilirlər ki, mömin insanlar öz ibadətlərinin mükafatını ancaq axirətdə alacaqlar, dünyada onlara heç bir səmərə çatmaz. Lakin Quranın məntiqi bu deyildir. 

Bu, düzdür ki, ibadətin həqiqi siması axirətdə zühur edəcəkdir, ancaq Allah elə bu dünyada da möminlərinə Öz İlahi yardımını çatdırar.

"Və (yada salın) o zaman(ı) ki, siz yer üzündə az idiniz və zəif sayılırdınız. Həmişə insanların (Qüreyşin və digər kafirlərin) sizi (bu torpaqda) aradan götürmələrindən qorxurdunuz. Allah, bəlkə şükür edəsiniz deyə, sizə yer verdi, sizi Öz köməyi ilə gücləndirdi və (dünya nemətlərinin) paklar(ın)dan sizə ruzi verdi". ("Ənfal" 26).

Şəhid Mütəhhəri bu ayə haqqında buyurur: "Ümumi olaraq Quran daima çalışır ki, möminlərin və müsəlmanların etimadını imanları ilə cəlb etsin. Yəni, onlara başa salmaq istəyir ki, imana malik olmaq və düzgün müsəlman olmaq necə də gözəl nəticələr gətirər. İmanlı və müsəlman olmağın yaxşı nəticəsini ancaq o biri dünyaya aid etməz".

Müsəlmanlar o gündən ki, Allaha pənah apardılar və iman gətirdilər, vəziyyətləri dəyişdi və yaxşılaşdı. İmanın gücünə görə hər kəsə İlahi yardım nazil oldu.

Ancaq bunu bilməliyik ki, İlahi yardımın hədəfi bu deyildir. Bu, Allaha və İlahi nemətlərə diqqət etmək üçün müqəddimədir. Allah nemətləri ona görə verir ki, hədəfi nemətlərə görə insan şükür etsin və bu şükürlərlə mənəvi təkamül etsin.

Ona görə də Allah bu aləmi boş yerə xəlq etməmişdir. Hər bir işinin hikməti vardır. Möminlərə edilən dünya yardımları da hikmətsiz deyildir. Bu nemətlərin əsl hədəfi - Allaha şükür etməkdir.

Şükür o deməkdir ki, şəxs ona xeyri çatdıran insana öz təşəkkürünü bildirsin. Bəs Allaha şükür etmək necə olur? Sadəcə dildə "Şükrənlillah" demək kifayətdirmi? Xeyr, bu sadəcə şükrü bildirən sözdür, şükrün öz deyildir. Şükür o deməkdir ki, həmin nemətin qədrini biləsən, haqqını verəsən. Allah Təalanın Özü də Şəkurdur. Bəndənin etdiyi hər bir ibadətin haqqı vardır. Allah bəndəsinin əcrini zay etməz.

Bəndə əgər qədirbilən olmaq istəyirsə, gərək İlahi nemətlərin qədrini bilsin. Yəni, bilsin ki, hansı nemət hansı hədəflə istifadə olunmalıdır. Nemətləri öz yolunda və öz yerində istifadə etmək - həqiqi şükürdür.

Milli.Az

Şərh yaz:

3 Şərh:

  • Anonim
    M · 15 Sentyabr 01:2803

    sən öz qiymətini artırdıqca əzabın da artacaq.həyatda nemət yoxdu,sən də daxil olmaqla hər şey şikardl.təbiət özü özüylə qidalanır.qorxma,ürəyin olsun,cəsarətin olsun,hünərin olsun,burax özünü,qorxma,illuziyadan başqa heç nə itirmərsən.qorxma,şüur heç vaxt səhv eləməz,səhv edən ağıldı.ağıl şüurun səhvidi,ağıl şüurun qüsurudu.çıx sürüdən,aslan ol,özünə öz cığırını aç,bütün dünya üstünə gəlsə belə.

    Cavab yaz
    • Anonim
      M · 15 Sentyabr 08:0413

      M salam.shuur nedir,agil nedir,onlari bir birinden nece ayirmaq olar?

      Cavab yaz
      • Anonim
        M · 15 Sentyabr 13:5204

        niyə öz nikinlə yazmırsan? mənimçün önəmli deyil sən kimsən.amma təxminən bilirəm kim olduğunu.əvvəlki nikinlə yaz,söz verirəm sualına qısa və konkret cavab yazacam.

        Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.