Cəmiyyət

Bakıda illərdir bir nəfərin belə yaşamadığı müəmmalı bina - (Video)

1 Oktyabr 2026 10:20

Baxış: 563

VTB-də minimal faiz dərəcəsi ilə nağd kredit 9.9%-dən

Bakının Əhmədli qəsəbəsində yerləşən və illər əvvəl istifadəyə verildiyi bildirilən çoxmərtəbəli bina sakinlərin yaşamaması ilə diqqət çəkir.

Milli.Az bakupost-a istinadən xəbər verir ki, jurnalist Rahil Sayadoğlu binanın 2000-ci illərdən təhvil verildiyini, lakin indiyədək burada heç kimin yaşamadığını bildirib.

Onun sözlərinə görə, binanın niyə boş qalması ilə bağlı müxtəlif fikirlər səsləndirilir:

"Bəziləri deyir ki, binanın konstruksiya problemləri var, əyriliyi var. Bəziləri deyir ki, binanı tikən adamlarla müəyyən qurumlar arasında problem yaranıb, ona görə. Bir sözlə, hərə bir şey deyir. Amma dəqiq bilən yoxdur ki, gənclərin ev deyib "qan ağladığı" bir vaxtda niyə bu binada yaşayış yoxdur. bütün mənzillərdə sayğaclara kimi qurulub.

Maraqlı məqam odur ki, bu bina istifadəyə yararsızdırsa, bəs niyə bunun altında iaşə obyektləri var? Müxtəlif marketlər, mağazalar, nə desən, var. Bina problemidirsə, niyə buna icazə veriblər?"

Müəllif: Malik Məlikov (Milli.Az redaktor)