Hipotiroidizm nədir və müalicəsi mümkündürmü?

Bu ümumi endokrin sistem xəstəliyi tiroid hormonlarının çatışmazlığı səbəbindən meydana gəlir. Xəstəliyin son mərhələsində demans uşaqlarda, böyüklərdə isə miksedema (dərinin selikli ödemi) meydana gəlir. Buna görə xəstəliyi nə qədər tez aşkar etsək, bir o qədər yaxşıdır. Orqanizmdə nə baş verir?
Hipotiroidizm ilə əsas metabolizma, kalsium metabolizması və sümük aparatının böyüməsindən məsul olan tiroid hormonlarının miqdarı pozulur. Ürək-damar sisteminin, mədə-bağırsaq traktının, zehni və cinsi fəaliyyətinin işi pisləşir. İlk mərhələdə simptomlar görünməz olur və buna görə xəstələr uzun müddət həkimə müraciət etməzlər.
Xəstəliyin əlamətləri hansılardır?
Anadangəlmə hipotiroidizm uzun müddət davam edən sarılıq, qəbizlik, ləng böyümənin geriləməsi, pozulmuş nitq, uşaqlarda zehni inkişaf və böyüklərdə miksedema ilə müşayiət olunur.
Bu xəstəliyə A vitamininin həddindən artıq dozasından çox olması səbəb ola bilər. Hipotiroidizm zamanı orqanizmin bütün metobolizmi yavaşlayır və nəticədə vücut tarazlığı alt üst olur. Metobolik zəiflikdən əlavə xəstələrdə yuxusuzluq, depressiya, yaddaş pozğunluğu, hərəkətlərdə yavaşlama və digər bu kimi şikayətlər özünü göstərir.
Yod çatışmazlığını düzəltmək üçün yod tərkibli dərmanlar təyin olunur. Digər dərmanlar da bir çox orqanların zədələnməsinə görə təyin edilir: kardioprotektorlar (ürək-damar sisteminə kömək edir) və nöroprotektorlar (sinir sistemindəki metabolik prosesləri normallaşdırır) və s.
Ağır hallarda (hipotiroid koması ilə) xəstəyə tiroid hormonları (amin turşularının yodlaşdırılmış törəmələri) və qlükokortikoidlər (adrenal bezlər tərəfindən sintez olunan steroid hormonları) vurulur. Həkimlər eyni zamanda, tiroid bezinin müntəzəm ultrasəsini məsləhət görürlər. 30 yaşdan kiçiksinizsə - beş ildə bir dəfə, 45 yaş arasında - hər üç ildə bir dəfə, 45 yaşdan sonra - ildə bir dəfə müayinə olunmalısınız. Yod tərkibli məhsullar (dəniz yosunu, yodlaşdırılmış duz, dəniz məhsulları) yeməyi unutmayın.
Milli.Az