Maraqlı

Yaponiyada uçan avtomobillər kütləvi daşımalarda tətbiq olunacaq

20 İyul 2021 22:45
0 Şərh     Baxış: 751

Yaponiyada uçan avtomobillər kütləvi daşımalarda tətbiq olunacaq

Yaponiyanın ən böyük aviadaşıyıcısı olan "Japan Airines" (JAL) 2025-ci maliyyə ilində uçan avtomobillər işlətməyə başlamağı nəzərdə tutur.

Milli.Az "Report"a istinadən bildirir ki, şirkət hava limanları ilə turizm bölgələri arasında taksi sərnişindaşıma xidmətini tətbiq etmək niyyətindədir. Bunun üçün 2020-ci ilin sərmayəsi olan Almaniyanın "Volocopter" startapı çərçivəsində istehsal olunan, 110 km/saatadək sürətlə 35 km-dək məsafə qət edə bilən "eVTOL" adlı iki yerlik dron tipli, yaxud elektrik uçan vasitələrdən istifadə etmək nəzərdə tutulur.

İlk mərhələdə sınaq olaraq 20 km-dək, daha sonra isə 50-150 km şəhərlərarası uçuşlar təşkil ediləcək.

Bununla yanaşı, JAL başqa nəqliyyat şirkətləri üçün sözügedən sahədə təlim və təhlükəsizlik xidməti də göstərmək niyyətindədir.

Qeyd edək ki, Yaponiyanın ikinci ən böyük aviadaşıyıcısı olan "All Nippon Airways" də eyni müddət ərzində hava taksisi xidmətlərini tətbiq etməyə hazırlaşır.

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.