Maraqlı

Uşaq sahibi olmaq üçün arıqlamağım lazım idi - FOTO

22 İyun 2021 14:58
Baxış: 1 351

Qonaqlıqda çəkdirdiyi fotoda özünü gördükdən sonra həyat tərzini dəyişdirməyin vaxtının gəldiyini anlayan qadın 77 kiloqram arıqlayıb.

"The New York Post" onun hekayəsini paylaşıb.

Məlumata görə, Şotlandiyanın Folkerk şəhərinin 21 yaşlı sakini atası qəflətən xərçəngdən vəfat etdikdən sonra stresdən "fastfood"la qidalanmağa başlayıb. Tənha həyat tərzi keçirən Lora Neil getdikcə kökəlməyə başlayır və nəticədə çəkisi 143 kiloqrama çatır.

Milli.Az oxu.az-a istinadən xəbər verir ki, ancaq qonaqlıqdakı şəkildən sonra qadın özünü ələ almağa qərar verib. Onun ana olmaq istəyi isə daha bir motivasiyaedici amil olub.

"Uşaq sahibi olmaq üçün arıqlamağım lazım idi, çünki həkimlər mənə əlavə çəkilərin hamilə qalmağımın qarşısını alacağını dedilər", - deyə qadın danışıb.

Şotlandiyalı qadın arıqlama proqramına qoşulur və sağlam həyat tərzu üçün reseptlər kitabı alır.

Birinci ili o, 54 kq arıqlayır və nəhayət hamilə qalır. Doğuşdan sonra Neil daha 13 kq itirib.

"Mənim enişli-yoxuşlu vaxtlarım oldu, amma hədəfə çatmaqda qərarlı idim", - qadın bildirib.

Hazırda o, 65 kiloqramdır.

Qadın bəzi tanışlarının onu tanımaqda çətinlik çəkdiyini deyərək, bundan məmnun olduğunu vurğulayıb

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.