Maraqlı

“Deimos” okean kosmodromunun tikintisinə başlanılıb

8 İyun 2021 23:10
Baxış: 644

"Tesla" və "SpaceX" şirkətlərinin baş direktoru İlon Mask ABŞ-ın Texas ştatının sahilində üzən kosmodromun inşasına başlayıb. Platforma çoxdəfəli raket və kosmik missiyalarda "SpaceX" raketləri üçün start və enmə bazası rolunda çıxış edə bilər. Məsələn, platformadan artıq orbitə yüzlərlə "Starlink" peykini çıxarmış "Falcon 9" raketdaşıyıcıları istifadə edəcək.

Milli.Az ictnews.az-a istinadən bildirir ki, bu məqsədlər üçün "SpaceX" şirkəti 3,5 milyon dollar dəyərində iki neft buruğunu satın alaraq onlara "Deimos" və "Phobos" adını verib. Adlar Mars aylarının şərəfinə seçilib. Platformaların növbəti ildə işə salınacağı gözlənilir.

Perspektivdə platformalardan "Starship" kosmik gəmilərində Marsa pilotlu missiyaların göndərilməsi nəzərdə tutulur.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.