Maraqlı

Google öz smartfonlarında fərdi prosessorlardan istifadə edə bilər

8 Aprel 2021 20:55
Baxış: 331

İnternetdə ortaya çıxmış məlumata əsasən Google şirkəti bu ilin payız fəslində fərdi şəkildə yaradılmış prosessora sahib ilk Pixel smartfonunu təqdim edəcək. Bunun sayəsində şirkət hardware və software təminatlərının işlərini daha yaxşı optimizasiya edəcək. Bu barədə 9to5google saytı xəbər verib. Qeyd etmək lazımdır ki, Google şirkətinin fərdi prosessoru barəsində ilk məlumatlar hələ keçən ilin aprel ayında ortaya çıxmışdılar. İndi isə ortaya çıxmış yeni məlumatlara əsasən Raven və Oriole kod adlarına sahib yeni Pixel smartfonları həqiqətən də Whitechapel GS101 adlı prosessora sahib olacaqlar.

Burda GS hissəsinin açılışı Google Silicon kimi qeyd olunur. Məlumata əsasən Whitechapel prosessorlarının yaradılma prosesi Samsung Semiconductor şirkəti ilə sıx əməkdaşlıq çərçivəsində reallaşdırılır. Bu məsələdə Google şirkətinin öz platformasını sıfırdan yığdığı və ya Samsung-un texnologiyalarından istifadə etdiyi bilinmir. Bundan əlavə olaraq məlumata əsasən Whitechapel prosessorları Pixel smartfonlarından əlavə olaraq həmçinin Chromebook noutbuklarında da istifadə olunacaq.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.