Maraqlı

“Huawei” elastik ekrana malik “Mate X2” smartfonunu təqdim edib

25 Fevral 2021 23:45
Baxış: 876
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Çinin "Huawei" şirkəti elastik ekranla təchiz edilmiş yeni qabaqcıl "Mate X2" smartfonunu təqdim edib. Şirkətin məlumatına görə, qurğunun ən ucuz modelinin qiyməti təxminən 2800 dollar təşkil edəcək.

Milli.Az ictnews.az-a istinadən bildirir ki, smartfon öz konstruksiyasına görə kitabı xatırladır: daxili elastik ekranın diaqonalı 8,01 düym, kənar ekranın diaqonalı isə 6,45 düym təşkil edir. Bu, qurğunu həm açıq, həm də bağlı şəkildə istifadə etməyə imkan verəcək.

"Kirin 9000" prosessoru ilə təchiz edilmiş smartfon iki aktiv SİM kartla işləyə bilər. Cihaz 55 vatlıq sürətli enerjidoldurma texnologiyasını dəstəkləyən 4500 milliamper/saat akkumulyator batareyası ilə təchiz edilib.

Smartfon 10-x optik zuma malik 50 meqapiksellik (mp) "Leica" kamerası, həmçinin 2,5 sm fokus məsafəsindən makroçəkiliş imkanına malik 16 mp-lik videokamera ilə təchiz edilib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.