Maraqlı

“TikTok” uşaqlar üçün qaydaları dəyişdirib

19 Yanvar 2021 22:20
Baxış: 926
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

"TikTok" qısamüddətli video xidmətinin administrasiyası yaşı 18-dən az olan istifadəçilər üçün bir sıra məhdudiyyətlər tətbiq edib. İndi yaşı 13-dən 15-dək olan uşaqların hesabları avtomatik məxfi olur - yalnız təsdiq edilmiş abunəçilər onlara baxa bilər, yaşı 16-dan az olan şəxslər tərəfindən yerləşdirilmiş çarxlara isə yalnız "dostlar" şərh yaza bilərlər. Digər şəxslər üçün uşağın hesabına giriş bağlı olacaq.

Milli.Az ictnews.az-a istinadən bildirir ki, bundan başqa 13-15 yaşlı istifadəçilər üçün "öz hesabını başqa şəxslərə təklif etmək" seçimi başlanğıc ayar kimi deaktiv ediləcək. Belə hesablar üçün "Duet and Stitch" funksiyası, həmçinin videonun yüklənməsi əlçatmaz olacaq.

16-17 yaşlı yeniyetmələr üçün "Duet and Stitch" seçimi yalnız "dostlar" üçün açıq qalacaq.

2020-ci ildə "TikTok"un tərtibatçıları "Ailə Təhlükəsizlik Rejimi"ni (Family Safety Mode) əlavə ediblər. Bu rejim valideynlərə öz uşaqları üçün arzuolunmaz məzmunu gizlətməyə, məhdudlaşdırmağa və ya şəxsi mesajları tamamilə deaktiv etməyə imkan verir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.