Maraqlı

Park halında olan Tesla Model S YANDI

14 Yanvar 2021 22:10
Baxış: 421

Tesla Model S markalı avtomobil park halında ikən alovlanmağa başlayıb.

Milli.Az ted.az-a istinadən bildirir ki, yanğın hadisəsi ABŞ-ın Dallas şəhərində baş verib. 41 yaşlı Usman Əhmədə məxsus Tesla Model S yanıb. Tesla Model S-də baş verən yanğının gücləndiyi nöqtə sağ ön təkər olub. Avtomobilin sahibi alovun çox güclü olduğunu söyləyib.

Qeyd edək ki, son zamanlar, xüsusilə köhnə Model S və Model X avtomobillərlə bağlı daha çox yanğın xəbərləri yayılır.

Mütəxəssislərin sözlərinə görə, bu yanğınlar nəqliyyat vasitələrində istifadə olunan batareyalarla əlaqədardır. Bu avtomobillərin zaman keçdikcə təhlükəsizliyi və davamlılığı ilə bağlı suallar yaranır.

Tesla hadisə ilə əlaqədar mil başına düşən qəza sayı hesablandığı zaman şirkətin maşınlarının yanma ehtimalının yanacaq daşıyan maşınların yanmasından 10 dəfə az olduğunu açıqlayıb. 1 milyard mil (1,6 milyard km) məsafədə 5 Tesla yanğını baş verirsə, digər avtomobillərdə isə 1 milyard mil başına 55 vasitədə yanğın baş verir.

Bundan əlavə, yalnız Tesla deyil, digər istehsalçılar da elektrikli avtomobillərdə yanğınlarla əlaqədar problem yaşayır. Yol Təhlükəsizliyi İdarəsi keçən ay General Motors-un yanğın ehtimalı səbəbindən ABŞ-da 50 mindən çox Chevrolet Bolt elektrikli avtomobili geri çağırdığını elan etmişdi.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.