Maraqlı

BMW-dən böyük rəqəmsal ekran - Elektrikli Model iX

14 Yanvar 2021 23:50
Baxış: 463

BMW elektrikli SUV model iX-in yeni iDrive texnologiyasının ön görünüşünü izləyiciləri ilə bölüşüb.

Milli.Az ted.az-a istinadən bildirir ki, yeni iDrive analoq və rəqəmsal texnologiyanı eyni "qazanda qaynatmağı" hədəfləyir. Analoq və rəqəmsal texnologiyanın sintezi əvvəllər yayımlanan fotoşəkillərdə də göstərilib.

Əlbətdə ki, rəqəmsal və analoq sintez edilsə də, ortada rəqəmsal ekran var. Bu rəqəmsal ekran həm idarəetmə panelini, həm də əyləncə ekranını ehtiva edir. Yuxarıdakı şəkildən də göründüyü kimi sözügedən rəqəmsal ekran olduqca böyükdür.

Bəs BMW-nin iDrive texnologiyası nədir? Əslində iDrive olduqca köhnə bir texnologiyadır. Bu texnologiyanın ilk prototipi 1999-cu ildə istehsal edilib və 2001-ci ildə BMW E65 ilə istifadəçilərə təqdim edilib. Burada İDrive-ın məqsədi bir sıra funksiyaları vahid idarəetmə arxitekturasında birləşdirmək olub.

Yeni iDrive sistemli iX modelinin bu ilin sonuna kimi satışa çıxarılacağı gözlənilir.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.