Maraqlı

“Telegram”da qrup şəklində zənglər funksiyası istifadəyə veriləcək

3 Dekabr 2020 22:15

Baxış: 764

VTB-də minimal faiz dərəcəsi ilə nağd kredit 10.49%-dən

#TEXNOLOGİYA

"Telegram" tərtibatçıları çoxdan gözlənilən yeniliklərdən birinin açıq sınaqlarına başlayıblar. Belə ki, messencerdə "Zoom", "Skype" və digər oxşar layihələrlə rəqabətə imkan verəcək qrup şəklində videoəlaqə funksiyası istifadəyə veriləcək. Bu barədə "iGuides" texnologiyalar portalının məlumatında deyilir.

Milli.Az ictnews.az-a istinadən bildirir ki, hazırda qrup şəklində zənglər yalnız "Telegram"ın "Android" əməliyyat sistemi üçün beta versiyasında tətbiq edilib. Onu rəsmi "Telegram" kanalından yükləmək mümkündür.

Testlər başa çatdıqdan sonra qrup şəklində zəngləri "iOS", "iPadOS", "Windows", "macOS" və "Linux" daxil olmaqla bütün dəstəklənən platformalarda istifadəyə veriləcək.

Qrup şəklində zəngə xüsusi hüquqa malik qrup və ya ünsiyyət inzibatçısı başlaya bilər. İki zəng variantı mövcuddur: bütün iştirakçılar və ya yalnız inzibatçılar danışa bilər.

Qrup şəklində zənglər funksiyasını "@tginfochat" qrupunda test etmək olar.

Milli.Az