Maraqlı

Yeddi “Nokia” televizoru təqdim edilib

1 Dekabr 2020 23:55
Baxış: 898
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Nokia" brendi Avropada "Smart TV" funksiyalı və 32-75 düym diaqonallı yeddi televizor təqdim edib.

Milli.Az ictnews.az-a istinadən bildirir ki, seriyanın bütün modelləri "Mali 470 MP3" qrafik sürətləndiricisinə malik dördnüvəli "ARM CA55" prosessoru üzərində qurulub. Yeni qurğuların operativ yaddaş tutumu 1,5 giqabayt, quraşdırılmış isə 8 giqabayt təşkil edir. İstisna yalnız 1 giqabayt operativ yaddaşlı 32 düymlük versiyaya aiddir. Televizorlar "Android TV 9.0" əməliyyat sisteminin idarəetməsi ilə işləyir.

Bütün qurğular "Wi-Fi 802.11ac" və "Bluetooth 4.2" simsiz rabitə modulları ilə təchiz edilib. Simli interfeyslər dəstinə dörd "HDMI" portu (biri ARC dəstəklidir), iki "USB 2.0 Type-A" və "Ethernet" çıxışı daxildir. Quraşdırılmış akustika 12 vatt (32 düym), 20 vatt (43, 50, 55, 58 düym) və 24 vatt (65, 75 düym) gücündə və "Dolby Digital Plus" və "DTS Sound 12" texnologiyalarını dəstəkləyən dinamiklərlə təmsil olunub. Model sırasının daha bir xüsusiyyəti işıqlandırıcıya malik distansiyadan idarəetmə pultudur.

Yaxın vaxtlarda Avropada satışa çıxarılacağı gözlənilən yeni televizorların qiyməti diaqonaldan asılı olaraq dəyişəcək: "Nokia Smart TV 32" - 399,90 avro, "Nokia Smart TV 43" - 549,90 avro, "Nokia Smart TV 50" - 599,90 avro, "Nokia Smart TV 552 - 699,90 avro, "Nokia Smart TV 58" - 799,90 avro, "Nokia Smart TV 65" - 899,90 avro, "Nokia Smart TV 75" - 1399,90 avro.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.