Maraqlı

Sosial şəbəkələrin daha bir güclü rəqibi sürətlə məşhurlaşır

21 Noyabr 2020 19:55

Baxış: 956

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

Tətbiq 40 milyondan çox istifadəçi cəlb edib.

Bu gün dünyada istifadəçinin vaxtı və diqqəti üçün ciddi şəkildə mübarizə aparan bir çox sosial media tətbiqi var. Feysbuk, Tvitter, İnstaqram, YouTube, TikTok milyonlarla üzvü olan aparıcı sosial şəbəkələrdir. Analitiklərin fikrincə, Yubo da bu sosial şəbəkələr sırasında öz layiqli yerini tutacaq.

Milli.Az ted.az-a istinadən bildirir ki, Yubo sosial şəbəkəsinin istifadəçi bazası 40 milyondan çoxdur.

Fransız startapı olan Yubo əsasən 25 yaşdan kiçik auditoriyanı hədəf götürür.

Tvitter, Feysbuk və digər sosial şəbəkələrdən fərqli olaraq, Yubo istifadəçilərə yazıları izləməyə və ya fotoşəkilləri bəyənməyə icazə vermir.

Yubo-nun əsas konsepsiyası istifadəçilərə yeni dostlarla tanış olmaq və insanlarla maraqlı və cəlbedici şəkildə söhbət etmək imkanı verməkdir.

Yubo istifadəyə verildikdən sonra istifadəçiyə qoşulacaq bölmələrin siyahısı təqdim olunur. İstifadəçinin seçiminə uyğun müxtəlif bölmələr mövcuddur. Burada insanlar telefonlarından canlı video yayımlaya, həmçinin digər iştirakçılar ilə söhbət edə bilərlər. Əlbəttə ki, istifadəçi istədiyi bölməyə qoşula bilər. Bölmələrdə maraqlı atmosfer yaradan bir çox oyun və fəaliyyət var.

Tətbiq Android və iOS ilə işləyən cihazlar üçün mövcuddur.

Milli.Az