Maraqlı

Ürəkdə qüsur – Əlamətlər nəyi bildirir?

21 Noyabr 2020 07:31
Baxış: 480

Təngnəfəslik - xəstəliyin ilk, erkən simptomlarından biridir. O, kiçik qan dövranında qan durğunluğu və ağciyər hipertenziyası ilə əlaqədar olur. Əvvəl təngnəfəslik fiziki və emosonal yüklənmə zamanı meydana çıxır, sonralar isə sakitlik vaxtı da müşayiət olunur. Bəzi xəstələrdə təngnəfəslik uzanmış vəziyyətdə artır, oturaq vəziyyətdə isə azalır. Bu hallarda xəstələrdə uzanan zaman quru öskürək meydana çıxır.
Boğulma tutmaları - mitral stenozu olan xəstələrin ağciyərlərində qan durğunluğunun olması və intersistal ağciyər ödəminin yaranmasını göstərir. Ürək astması (paroksizmal gecə boğulması) gecələr uzanan vəziyyətdə baş verir, oturaq vəziyyətdə itir.
Qanhayxırma - mitral stenozun vacib əlamətlərindən biridir və ağciyər - bronxial anastomozların qırılması, ağciyər arteriyasının şaxələrinin tromboemboliyası və ağciyər infarktı ilə əlaqədardır.
Halsızlıq, əzələ zəifliyi - mitral stenozun xarakterik və erkən klinik əlamətləri olub, fiziki iş zamanı meydana çıxır.
Ürəkdöyünmə - mitral stenozun çox təsadüf olunan əlamətlərindən biridir, ürəyin ritm pozğunluqları ilə əlaqədqrdır.
Ürək nahiyəsində ağrı - az sayda xəstələrdə rast gəlinir. Kəskin ağciyər hipertenziyası ilə əlaqədardır. Ağrılar stenokardiya tipli olmur, küt və davamlı olur və fiziki işdən sonra artmır.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.