Maraqlı

Ekranı genişlənən “Oppo” smartfonunun prototipi nümayiş olunub - VİDEO

19 Noyabr 2020 23:10
Baxış: 619

Çinin "Oppo" şirkəti "Inno Day" tədbiri çərçivəsində ekranı genişlənən smartfonun prototipini nümayiş etdirib.

Milli.Az ictnews.az-a istinadən bildirir ki, "Oppo X 2021" adlı qurğu yığılmış vəziyyətdə diaqonalı 6,7 düym təşkil edən və açılma sayəsində 7,4 düymədək artırılan "OLED" ekrana malik smartfondur. Korpusu açan xüsusi mexanizmin işi nəticəsində düzbucaqlı ekran kvadrat şəklini alır. Şirkət nümayəndələrinin fikrincə, böyüdülmüş displey kinoya baxmaq və ya oyunlar üçün faydalı olacaq.

Smartfonun yaxın gələcəkdə satışa çıxarılacağı barədə məlumat verilmir. Lakin yığılan ekranlardan istifadəni nəzərdə tutan yanaşmanın hazırda "Samsung", "Huawei" və "Motorola" şirkətlərinin qabaqcıl smartfonlarında tətbiq edilən elastik displeylər texnologiyasından daha perspektivli olacaq.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.