Maraqlı

Virusun yayılması üçün ən təhlükəli şərait: Kütləvi məkanlar, yaxın təmas, zəif havalandırma

24 Oktyabr 2020 20:45
Baxış: 994
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ümumdünya Səhiyyə Təşkilatının Azərbaycan nümayəndəliyi koronavirusdan qorunmaqla bağlı bir sıra tövsiyələr açıqlayıb.  ÜST COVID-19-un asanlıqla yayıldığı yerlərin aşağıdakılar olduğunu bildirir:

1. Ətrafda çox sayda insanın olduğu kütləvi məkanlar
 
2. Yaxın təmas şəraiti xüsusilə, insanların yaxın məsafədə söhbət etdiyi yerlər
 
3. Zəif havalandırmanın mövcud olduğu qapalı məkanlar

Qeyd olunub ki, bu faktorların üst-üstə düşdüyü yerlərdə risk daha yüksəkdir.

Məhdudiyyətlərin yumşaldılıb-yumşaldılmamasından asılı olmayaraq getdiyiniz yerə diqqət yetirin və sözügedən məkanlara getməkdən çəkinərək təhlükəsiz qalın.
 
Nə etmək lazımdır?

Kütləvi məkanlara getməməyə çalışan və qapalı yerlərdə keçirdiyiniz zamana məhdudiyyət qoyun.
 
Digər insanlarla aranızda ən azı 1 metr məsafə saxlayın.
 
Mümkün olduqda havalandlırma üçün pəncərələri və qapıları açın.
 
Əllərinizi təmiz saxlayın, öskürərkən və ya asqırarkən ağzınızı örtün.
 
Tələb olduqda və ya fiziki  məsafə saxlamağın mümkün olmadığı yerlərdə maskadan istifadə  edin.
 
Təcili tibbi yardıma ehtiyac yaranmadığı müddətcə özünüzü yaxşı hiss etməyəndə evdə qalın.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.