Maraqlı

Hyundai 810 at qüvvəli elektrik prototipini nümayiş etdirib - FOTO

29 Noyabr 2020 22:01
Baxış: 1 068
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Hyundai şirkəti Pekin avtosalonunda 810 at qüvvəli "qaynar" RM20e elektrik hetçbekini təqdim edib. N-bölməsinin malik olduğu texnologiyaları nümayiş etdirən prototip arxa ötürməli ortamühərrikli Hyundai RM20e modeli yeni elektrik platformasında inşa edilib. Layihənin tərəfdaşı Xorvatiyanın Rimac şirkətidir.

Zahiri cəhətdən, Hyundai RM20e prototipi "qaynar" Veloster N hetçbekinin yarış versiyasına bənzəyir, lakin tanış kozuv sadəcə bir qabıqdır, çünki elektromobilin texniki hissəsi tamamilə yenidir. Konsept elektrik şassisinə əsaslanır, 810 at qüvvəsi və 960 Nm fırlanma anı hasil edən elektrik mühərriki bazada, oturacaqların arxasında quraşdırılıb. Ötürmə arxa oxadır.

Milli.Az autograph.az-a istinadən bildirir ki, RM20e modelinin elan edilmiş dinamik xüsusiyyətləri belədir: hetçbek 100 km/saata qədər üç saniyədən az, 200 km/saata qədər isə 9.88 saniyə vaxt sərf edir. Onun maksimal sürəti 250 km/saatdır. Döşəmənin altına 60 kilovat-saatlıq dartma batareyası yerləşdirilib. Elektrokarın yürüş məsafəsi açıqlanmayıb.

Hyundai Group qrupunun araşdırma və inkişaf bölməsinin rəhbəri Albert Birmann RM20e modelinin "yarış avtomobilinin xüsusiyyətlərini özündə cəmləyir", lakin prototipin ümumi yollarda hərəkət imkanına da malikdir. Birmann, RM20e prototipinin ultra müasir elektrik güc qurğusunun "həyəcanverici  sürətlənməni" təmin etdiyini söyləyib, lakin konseptin seriya davamçılarının mütləq "təmiz" elektrokar vasitələri olmayacağını da açıqlayıb. Eyni zamanda, Hyundai qrupu Xorvatiyanın Rimac firması ilə tərəfdaşlığını genişləndirəcəyini bildirib.

810 at qüvvəli RM20e elektrik hetçbekinin Hyundai markasının yeni ortamühərrikli sportkarının əsası olacağı da istisna edilmir. Cənubi Koreya istehsalçısı belə sportkarı növbəti nəsil Porsche Boxster modelinin rəqibi olacağından əmindir.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.