Maraqlı

“Fəridə” filmi 5-ci Beynəlxalq Kinofestivalda - FOTO

17 Sentyabr 2020 16:37

Baxış: 714

#MARAQLI #VİDEO

"Narimanfilm" kinostudiyasının istehsalı olan "Fəridə" tammetrajlı bədii filmi 5-ci SİFFA Soçi Beynəlxalq Kinomükafat və Kinofestivalının konkurs proqramında iştirak etmək üçün seçilib.

SIFFA (Sochi International Film Festival and Awards) adətən ildə 2 dəfə London və Soçi şəhərlərində baş tutur. Bu il koronavirus epidemiyasına görə Londonda təxirə salınmışdır, lakin Soçi şəhərində noyabr ayının 3-7 tarixlərində keçiriləcək. Beynəlxalq jürinin sədri məşhur Rusiya rejissoru Vladimir Xotinenkodur.

"Narimanfilm" kinostudiyası "Fəridə" tammetrajlı bədii filmini Sankt-Peterburq Yeni Kino Məktəbi ilə birlikdə istehsal etmişdir. Filmin sürəkliliyi 70 dəqiqədir. Ssenari müəllifi və rejissoru Kseniya Laqutina, operatoru Dmitriy Naqovskiy, səs rejissoru Aleksandr Demyanov, prodüseri Nəriman Məmmədovdur. Baş qəhrəman rolunu gənc aktrisa Məryəm İbrahimova ifa edir. Digər rollarda Abdukərim Nasirov, Dilya Ulaşeva və başqaları çəkilmişlər.
Film Azərbaycanın Xınalıq kəndindən Sankt-Peterburqa gələn Fəridədən bəhs edir. Gənc qız öz həyat yoldaşı Muradın axtarışındadır. O, Muradın harada olduğu haqqında tam xəbərsizdir. Böyük şəhər Fəridəni bir çox insanlarla qarşı-qarşıya qoyur və onun bütün həyatını alt-üst edir.

Film dram janrında çəkilmişdir. Bütün çəkilişlər Sankt-Peterburq şəhərində aparılmışdır.

Treyler - https://www.youtube.com/watch?v=yf7MArhek9M&t=2s

Milli.Az