Maraqlı

Yeni Logan, Sandero və Sandero Stepway modellərinin tizerləri dərc edilib - FOTO

22 Sentyabr 2020 23:58
Baxış: 836

Renault şirkəti üçüncü nəsil Sandero hetçbekinin işıq texnikasını nümayiş etdirən qısa videoçarxı yayımlayıb. Tizerin sonunda istehsalçı yeni modelin təqdimat tarixini elan edib - 7 sentyabr.

Videonun ilk hissəsində Sandero modelinin yolsuzluq Stepway modifikasiyasına aid olan ön işıq texnikasını görmək olar. Yeni hetçbek tamamilə yenidən dizayn edilmiş ön tərəfə və altındakı yumru duman əleyhinə fənərlərin yerləşdiyi mürəkkəb naxışı və LED zolağı olan fənərlərə sahib olacaqdır.

Milli.Az autograph.az-a istinadən bildirir ki, videonun ikinci hissəsində adi Sandero modelinin diod elementləri olmayan üfüqi yönümlü fənərləri nümayiş etdirilir. Şəkildən göründüyü kimi, hetçbekin yeni nəsli daha nazik arxa dayaqları əldə edəcəkdir.

Bir müddət bundan öncə, Renault şirkətinin törəmə müəssisəsi olan Dacia markası yeni Sandero, Sandero Stepway və Logan modellərin tünd siluetləri olan tizerləri paylaşmışdı.

Avtomobillərin eksteryer dizaynının təkamül dəyişikliklərinə məruz qalacağı, çıxıntılardan qurtulacağı və daha müasir olacağı gözlənilir. Motor1 portalına bildirdiyinə görə, xoş yeniliklərdən biri LED yaxın işıqlandırma ola bilər.

Yeni avtomobillərin interyeri Clio modelinin üslubunda ön panelə, yeni avadanlıqlara, daha keyfiyyətli tərtibat materiallarına sahib olacaqdır. Mövcud trendlərə uyğun olaraq, Dacia modelləri multimedia sisteminin sadə ekranını daha iri şaquli planşetə dəyişdirə bilərlər.

Hər iki modelin mühərrik çeşidində baza aqreqatları 65 -100 at qüvvəsi arasında olan yeni üçsilindrli benzin mühərrikləri ola bilər. Sandero modelinin mühərrik çeşidindən 1,3-litrlik turbomühərrik çıxarılacaq, ancaq Stepway modifikasiyasının top versiyası 140 at qüvvəli 1,6-litrlik atmosfer mühərrikə əsaslanan E-Tech hibrid güc qurğusu ilə təchiz ediləcəkdir. Dizel modifikasiyaları isə 85 və ya 115 at qüvvəsi hasil edən 1,5-litrlik dCi dizel mühərriki ilə təchiz olunacaqdırlar.

Üç modelin təqdimatı önümüzdəki həftələrdə ümumi tədbir çərçivəsində reallaşa bilər.

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.