Maraqlı

"Uğur centlmenləri"nın “çəpgöz”ünün qaranlıq keçmişi - Kramarov niyə SSRİ-dən İMTİNA ETDİ? - FOTO

13 Sentyabr 2020 20:24
Baxış: 1 000

Milli.Az Sovet kinomatoqrafiyasının əsas simalarından biri olan Saveli Kramarovun təzadlı həyatı haqqında bəzi məqamları təqdim edir. 

Saveliy Kramarovun taleyini sadə adlandırmaq mümkün deyil. Onun bütün həyatı demək olar ki, mübarizələrlə keçib. Mübarizəsi əvvəlcə yeniyetməni məktəbdə "çəpgöz" adlandıraraq lağa qoyanlarla, daha sonra valideynlərinin kimliyini gizlətməklə başlayıb. Çünki onun atası Viktor 1938-ci ildə repressiyaya məruz qalmışdı. Bir "xalq düşməni"nin oğlunu isə heç kim İncəsənət  və Teatr Universitetinə qəbul etmək istəmirdi.

Lakin Kramarovun bəxti gətirir. Bir müddətdən sonra Meşə Təsərrüfatı İnstitutunun tələbəsi olan Kramarova onu izdihamda izləyən rejissor kömək edir. O, Savelinin maraqlı xarici görünüşünü lentə alır və onu bəyənir. Bir müddətdən sonra bu sima ekranlarda görünür və dərhal sovet tamaşaçıları tərəfindən sevilir.

Sanki taleyin özü Kramarovun aktyor olmasına qərar verir. "Uğur centlmenləri" filmindəki uğuru onu əsl kino ulduzu edir və o, 1974-cü ildə RSFSR-ın əməkdar artisti adına layiq görülür.

Lakin bu uğurlu debütdən sonra onun həyatında yenidən qara günlər başlayır. Rejissorlar onun görünüşünün "Sovet adamının obrazı"na bənzəmədiyini səbəb gətirərək onu filmlərə dəvət etmirlər. Bir müddətdən sonra aktyor təmamilə işsiz qalır.

Əslində isə bu vəziyyətə Kramarovun qatı dindara çevrilməsi, tez-tez Sinaqoqa getməsi və şənbə günləri işləməkdən imtina etməsi təsir edir. İsrailə köçən əmisinin də aktyora tətbiq edilən qadağalarda rolu böyük olur. O dövrün səlahiyyətli insanları Savelidən inancından imtina etməsini tələb edirlər. Lakin o, qətiyyətlə bunu rədd edirdi.

Sonralar aktyor özü bu haqda belə deyirdi: "Praktiki olaraq heç bir çəkilişim yox idi. Bu məni başqa ölkəyə köçmək barədə düşünməyə vadar etdi".

Çarəsiz vəziyyətdə qalan aktyor  ABŞ prezidenti Ronald Reyqana məktub yazır və ondan "işləmək üçün şərait yaradılmasını" istəyir. Bundan sonra Kramarovun ABŞ-a köçməsinə icazə verilir və o, 1981-ci ilin oktyabrında Rusiyanı tərk edir.

Kramarov karyerasını ABŞ-da  uğurla davam etdirir, hətta "Kino aktyorları" gildiyasına da qəbul edilir. O, zamanın ən məşhur aktyorları Arnold Şvartsenegger və Robin Uilliyams ilə çalışır. Həmin dövrdə onun adı SSRİ-də bütün filmlərin titrlarından çıxarılır. Rejissor Georgi Danelia Kramarovun "Uğur centlmenləri"dəki görüntülərini çətinliklə də olsa qoruyub saxlaya bilir.

Aktyor 61 yaşında San-Fransiskoda xərçəng xəstəliyindən vəfat edir.

Kramarov Sovet kinosunda böyük populyarlığına baxmayaraq heç vaxt Xalq artisti adını almayanlardan biri olub. Sovet rəhbərliyi müxtəlif səbəblər gətirərək xalqın sevimlisini fəxri adsız qoyur. (ölkə.az)

Milli.Az

Məqaləyə dair fotomateriallar:

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.