Maraqlı

Kamil insanın 12 xüsusiyyəti

12 Sentyabr 2020 19:45
Baxış: 897
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Allahın xalis bəndələrinin ən üstün sifətlərinə nəzər salaq:

1. Yer üzündə təvazö ilə hərəkət edərlər.

2. O zaman ki, cahillər onlara xitab edər, xoş dillə və sağlam nəfslə cavab verərlər.

3. Gecələri İlahi eşqlə, Allahın razılığı üçün səcdə və qiyam edərlər.

4. Daima dua edərək deyərlər: "Pərvərdigara! Cəhənnəm əzabını bizdən uzaq et ki, ən pis əzabdır. Cəhənnəm pis mənzil və pis sonluqdur".

5. İnfaq edən zaman israf etməz, mötədil olarlar.

6. Allaha şərik qoşmaz, ancaq Allahı çağırarlar.

7. Allahın haram buyurduğu qətl və cinayətdən çəkinərlər.

8. Heç bir zaman çirkin əməl olan zinanı etməzlər. Çünki buna görə Qiyamət günü əzabları ikiqat olar. Məgər o kəslər ki, tövbə edər və yaxşı işlər görərlər. Bu zaman Allah günahlarını savaba çevirər. O kəs ki, tövbə edər, Allah tövbəsini qəbul edər.

9. Yalan yerə şəhadət verməzlər.

10. Nə zaman cahil insanlar ona qarşı çirkin əməl etsə, onu bağışlayarlar.

11. Nə zaman İlahi ayələri zikr edərlər, korlar və karlar kimi yanından keçib getməzlər. Bəlkə ona agah qəlb və görən gözlə baxar, onun haqqında düşünərlər. Mərifət və imanları artar.

12. Dua edən zaman deyərlər: "Pərvərdigara! Həyat yoldaşlarımızı və övladlarımızı elə kəslərdən qərar ver ki, gözümüzü aydınlandırsın, bizləri əməli salehlərin rəhbəri qərar ver".

Bu sifətlərə malik olan möminlərin mükafatı behişt qəsrləri və saraylarıdır ki, orada bir-birlərini salamlayar, sevinclə qarşılayarlar. Behiştdəki gözəllikc - əbədi gözəllikdir.

"Rəhman (olan Allah)ın (həqiqi) bəndələri yer (üzün)də sakit və təvazökarlıqla yol gedən və nadanlar (xoşagəlməz sözlərlə) onlara xitab edən zaman "salam" (xoş və yumşaq söz) deyən kəslərdir. Və o kəslər(dir) ki, gecəni Rəbblərinin qarşısında səcdə edən və dayanan halda gündüz edərlər. Və o kəslər(dir) ki, "ey Rəbbimiz, Cəhənnəm əzabını bizdən dəf et, ki, həqiqətən onun əzabı (Cəhənnəm əhli üçün) ayrılmaz və həmişəlikdir" deyərlər. Şübhəsiz, Cəhənnəm pis yer və pis məskəndir.Və o kəslər ki, (Allah yolunda) xərcləyən zaman nə israf edərək həddi aşar, nə də simiclik göstərərək həddən aşağı enərlər, (onların əməli) bu iki yolun arasında orta həddə və ədalətli olar. Və o kəslər ki, Allahla birgə başqa məbud çağırmır, Allahın möhtərəm və toxunulmaz etdiyi canı (qisas, şər'i cəza və sairə kimi) haqq (qətllər) istisna olmaqla öldürmür və zina etmirlər. Kim bunları etsə, (ağır) bir cəza ilə qarşılaşar. (Və əqidə və əməl günahları birləşdiyi üçün) Qiyamət günü onun əzabı ikiqat olar və xarlıqla həmişə həmin əzabda qalar. (Keçmiş durumlarına görə) tövbə edən, iman gətirən və yaxşı işlər görən kəs istisna olmaqla. Allah onların günahlarını yaxşılıqlara çevirər (gələcəkdə yaxşı işlər görmələrinə kömək edər və yaxud keçmiş günahlarını məhv edərək onların yerinə yaxşılıq yazar). Allah çox bağışlayan və mehribandır. Kim tövbə etsə və yaxşı işlər görsə, o, gözəl və bəyənilən şəkildə Allaha tərəf qayıdar. (Buna görə də günahın savaba çevrilməsi təəccüblü deyil.) O kəslər ki, yalandan şahidlik etmir (yalan, qina, söyüş və sairə məclislərində iştirak etmir) və bihudə və boş şeyin yanından keçən zaman etinasız və alicənablıqla keçirlər; Və o kəslər ki, Rəbblərinin (vəhy, Qur'an və moizə kimi) nişanələri ilə öyüd-nəsihət verildikdə onun müqabilində özlərini kar və kor (kimi) aparmırlar (əksinə, onu qəlb ilə dinləyir və batini gözlə görürlər);Və o kəslər ki, "ey Rəbbimiz, zövcə və övladlarımızdan bizə göz aydınlığı (saleh, pak və təqvalı nəsillər) əta et və (iman müsabiqəsində və ya dinin əsasları, qolları və təlimlərində) bizi təqvalılara başçı et" deyirlər, səbirləri müqabilində (Cənnətin) yüksək talvar və dərəcələr(i i)lə mükafatlandırılanlar və orada (Allah və mələklər tərəfindən) xeyir-dua və salamla qarşılaşanlar onlardır! (Onlar) orada əbədi qalacaqlar (və ora) gözəl yer və gözəl məskəndir. (Müşriklərə) de: "Əgər mənim Rəbbim (ümumi mərhəmətin və bəhanəyə yer qoymamaq üçün dəlil-sübutun tamamlanmasının tələbinə əsasən) sizi (tovhid və imana) dəvət etmək istəməsəydi, sizə əhəmiyyət verməzdi. Çünki həqiqətən siz (Onun ayələrini) təkzib etdiniz. Buna görə də (bu təkzib) tezliklə (sizin üçün) ayrılmaz və daimi bir əzab olacaqdır". ("Furqan" 63-77).

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.