Maraqlı

Snapdragon 865 Plus nə zaman təqdim olunacaq?

30 İyun 2020 08:41
Baxış: 727

Qualcomm şirkətinin Snapdragon 865 prosessor modelinin təkmilləşdirilmiş versiyası üzərində çalışdığı barəsində məlumatlar hələ bir neçə ay bundan öncə ortaya çıxmışdı. İndi isə prosessorun təkmilləşdirilmiş versiyasının nə zaman təqdim olunacağı barəsində məlumat verilib. Belə ki, Ice Universe ləqəbli məşhur çinli insayder bildirib ki, əgər hər şey plan üzrə getsə, Qualcomm şirkəti Snapdrgon 865 Plus prosessorunu artıq gələn ay təqdim edəcək. 

Bu barədə Gagadget saytı xəbər verib. Məlumatda qeyd olunub ki, Snapdragon 865 Plus modeli 3.09 GHz tezlikdə çalışacaq. Müqayisə üçün qeyd etmək lazımdır ki, adi Snapdragon 865 modeli 2.84 GHz tezlikdə çalışır. Snapdragon 865 Plus prosessorunu əldə edəcək ilk smartfon modeli ASUS ROG Phone 3 adlı gamer smartfonu olmalıdır. Bundan əlavə olaraq Galaxy Z Flip 5G smartfon modelinin və Galaxy Note 20 seriyasının da Snapdragon 865 Plus ilə təchiz olunacağı gözlənilir.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.