Maraqlı

Süni intellektin ixtiraçı adlandırılması və onun adına patentin rəsmiləşdirilməsi qadağan edildi

5 May 2020 23:10

0 Şərh Baxış: 938

VTB-də minimal faiz dərəcəsi ilə nağd kredit 10.49%-dən

#TEXNOLOGİYA

Ara-sıra "ixtiraçı süni intellekt" başlıqlı xəbərlərə rast gəlinir.

ABŞ-ın patent və əmtəə nişanı agentliyi süni intellektin ixtiraçı adlandırılmasını və onun adına patentin rəsmiləşdirilməsini qadağan edib. Bu qərar sözügedən quruma göndərilən iki ərizə ilə bağlı olub. Hər iki ərizədə süni intellekt ixtiraçı kimi göstərilib və onun adına patentin rəsmiləşdirilməsi istənilib.

Milli.Az ted.az-a istinadən bildirir ki, birinci ərizədə süni intellektin qida üçün konteyner ixtira etdiyi, ikincidə isə xüsusi siqnal verən fənər ixtira etdiyi qeyd olunub.

İxtiralar DABUS adlandırılan süni intellekt tərəfindən yaradılıb. Patent və əmtəə nişanı agentliyində ərizələrə cavab olaraq bildirilib ki, ixtiraçı kimi yalnız insan adı qeyd oluna bilər.

Patent üçün müraciət edən təşkilat hesab edir ki, gələcəkdə süni intellekt hüquqlarını rəsmiləşdirmək mütləqdir.

Milli.Az