Twitter "zərərli məzmunlu" tvitləri bloklamağa başlayıb.
Milli.Az ted.az-a istinadən bildirir ki, bu tvitlər arasında, xüsusilə, koronavirus pandemiyasını 5G texnologiyasına bağlayan, baza stansiyalarına zərər verməyə çağıran paylaşımlar yer alır.
Twitter-dən verilən açıqlamada bu addımın COVID-19 ilə bağlı yanlış məlumatların yayılmasının qarşısının alınmasına xidmət etdiyi deyilir.
Qeyd edək ki, sosial mediada bu tip konspirasiyalara tez-tez rast gəlinir. Virusun Çindəki laboratoriyalardan birində yaradılmasından tutmuş 5G səbəbindən yayıldığına qədər xeyli sayda şaiyələr gəzir.
Sözügedən addımı Feysbuk, Instagram və YouTube platformalarının rəsmiləri də atıb.
Milli.Az