Sağlamlıq

COVİD19-un ən uzunmüddətli yoluxma halı qeydə alındı - 2 il daşıyıcı olub

18 Sentyabr 2025 00:13

Baxış: 1 077

VTB-də minimal faiz dərəcəsi ilə nağd kredit 9.9%-dən

#XƏSTƏLİK #KORONAVİRUS

Amerikalı həkimlər COVID-19-un indiyədək ən uzun sürən yoluxma halını təsdiqləyiblər.

Milli.Az xəbər verir ki, məlumata görə, virus İİV-ə yoluxmuş 41 yaşlı xəstənin orqanizmində ölümünə qədər 776 gün qalıb. Bu nadir klinik hadisə barədə nüfuzlu "The Lancet: Microbe" jurnalında dərc olunub.

Xəstə 2020-ci ilin mayında ilk simptomları - öskürək, baş ağrısı və yorğunluğu hiss etsə də, yalnız həmin ilin sentyabrında COVID-19 diaqnozu alıb. Zəif immun sistemi səbəbindən virus uzun müddət orqanizmdə qalaraq daim mutasiyalara uğrayıb. Mütəxəssislər bildiriblər ki, xəstənin daxilində yaranan variantlar sonradan "Omikron"da rast gəlinən mutasiyalara bənzəsə də, onlar orqanizmdən kənara yayılmayıb.

PCR testləri ölümündən iki gün əvvəl belə müsbət nəticə verib. Lakin həkimlər qeyd ediblər ki, xəstənin ölümü birbaşa COVID-19 ilə bağlı olmayıb.

Fidan
Milli.Az