iPhone 17 Pro Max və Galaxy S25 Ultra müqayisəsi: Hansı daha güclüdür?

15 sentyabr 2025 - Apple, uzun müddətdir gözlənilən iPhone 17 Pro Max modelini təqdim etdi. İndi isə texnologiya həvəskarlarının əsas sualı budur: iPhone 17 Pro Max, Galaxy S25 Ultra qarşısında nələr təklif edir? Gəlin iki nəhəng telefonu dizayn, performans, kamera, batareya və süni intellekt imkanları baxımından müqayisə edək.

Dizayn və Ekran 

Galaxy S25 Ultra: Samsung, əvvəlki modellərdə olduğu kimi klassik dizayn xəttini qoruyub. Titan çərçivə və IP68 suya-toza davamlılıq sertifikatı var.

iPhone 17 Pro Max: Apple isə dizaynda dəyişiklik edib. Kvadrat kamera bloku yerini "kamera çubuğu"na verib. Parlaq narıncı və tünd mavi kimi yeni rəng variantları təqdim olunub. Alüminium gövdə və IP68 qoruma mövcuddur. Yeni Ceramic Shield 2 texnologiyası ekranı daha möhkəm edir.

Hər iki telefon 6,9 düymlük 120 Hz ekrana malikdir. Samsung 3.120x1.440 piksel çözünürlük ilə iPhone 17 Pro Max-in 2.868x1.320 piksel ekranından daha kəskin görüntü təqdim edir. Apple isə yeni 7 qatlı əks-əlaqə əleyhinə örtük ilə ön plana çıxır.

Performans

iPhone 17 Pro Max: Apple-ın yeni A seriyalı prosessoru ilə gəlir. Daha sürətli və stabil performans təqdim edir. Yeni "buxar otaqlı soyutma sistemi" əlavə olunub.

Galaxy S25 Ultra: Qualcomm-un Snapdragon 8 Elite for Galaxy prosessoru ilə gücləndirilib. Performans baxımından iPhone ilə çox yaxın olsa da, liderlik hələ ki, iPhone 17 Pro Max-dadır.

Kamera 

iPhone 17 Pro Max:

48 MP Fusion üçlü kamera

8x itkisiz zoom

Yeni sensorlu selfie kamera

40x maksimal böyütmə (keçən il 25x idi)

Galaxy S25 Ultra:

200 MP əsas kamera

10 MP 3x zoom

50 MP 5x zoom

50 MP ultra geniş kamera (yenilənib)

"Nightography" ilə zəif işıqda daha yaxşı video çəkilişi

Samsung-un 100x Space Zoom üstünlüyü davam edir. Kamera sahəsində hər iki telefon güclüdür, lakin Samsung yaxınlaşdırmada daha üstün mövqedədir.

Batareya və Şarj 

iPhone 17 Pro Max: 5088 mAh - Apple-ın indiyədək ən böyük batareyası. 40W sürətli şarj - 20 dəqiqədə 50% dolum.

Galaxy S25 Ultra: 45W sürətli şarj + 15W simsiz şarj (Qi2). Hər iki telefon intensiv istifadədə 1-1,5 gün davam edir.

Yazılım və Süni İntellekt 

iPhone 17 Pro Max: iOS 26 və "Apple Intelligence" ilə gəlir. Canlı tərcümə, inkişaf etmiş mesaj funksiyaları, Liquid Glass UI kimi yeniliklər var. Dəstək müddəti təxminən 5 ildir.

Galaxy S25 Ultra: Android 15 və One UI 7 üzərində işləyir. "Galaxy AI" Google Gemini tərəfindən dəstəklənir. 7 ilə qədər yeniləmə vəd edir. AI funksiyaları (mətn yazma, bildiriş idarəsi, fərdiləşdirmə) baxımından Samsung daha irəlidədir.

Üstünlük kimdədir? 

iPhone 17 Pro Max: Dizayn dəyişiklikləri, güclü prosessor və optimallaşdırma ilə öndədir.

Galaxy S25 Ultra: Daha yüksək ekran çözünürlüğü, kamera yaxınlaşdırması, uzunmüddətli yeniləmə və S Pen dəstəyi ilə fərqlənir.

Hansını seçmək barədə qərar, istifadəçinin kamera, süni intellekt imkanları və ya iOS-Android ekosistemini üstün tutmasına bağlıdır.

Lalə Qüdrətova
Milli.Az