Dünya

2 ölkə qlobal planları alt-üst edəcək tarixi sazişə imza atdı

18 Sentyabr 2025 01:02

Baxış: 5 280

VTB-də minimal faiz dərəcəsi ilə nağd kredit 9.9%-dən

#PAKİSTAN

Səudiyyə Ərəbistanının vəliəhd şahzadəsi Məhəmməd bin Salman və Pakistanın baş naziri Şahbaz Şərif Riyadda keçirilən görüşdən sonra "Ortaq Strateji Müdafiə Sazişi" imzalayıblar.

Milli.Az xarici mətbuata istinadən xəbər verir ki, sazişə görə, tərəflərdən birinə edilən hücum hər iki ölkəyə qarşı hücum kimi qəbul ediləcək.

Müdafiə əməkdaşlığı gücləndiriləcək, bölgədə və dünyada təhlükəsizlik və sabitlik üçün birgə addımlar atılacaq.

Görüş Riyaddakı Yemamə Sarayında baş tutub. Rəsmi danışıqlarda iki ölkə arasındakı strateji əlaqələr, birgə layihələr və son regional inkişaflar müzakirə olunub.

Bu razılaşma o deməkdir ki, məsələn, Hindistan Pakistana hücum edərsə, Səudiyyə Ərəbistan bunu özünə edilmiş hücum kimi qəbul edəcək. Eyni şəkildə İsrail Səudiyyə Ərəbistana hücum edərsə, Pakistan da buna özünə edilən hücum kimi yanaşacaq.

Bu addım Səudiyyə Ərəbistanı və Pakistan arasında müdafiə əməkdaşlığının tarixdə ən yüksək səviyyəyə çatdığını göstərir.

Lalə Qüdrətova
Milli.Az