Maraqlı

iPhone X-ə Windows 10 əməliyyat sistemi quruldu - VİDEO

9 Aprel 2020 20:10
0 Şərh     Baxış: 834
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Virtual Machine və ya Virtuallaşdırma proqramları bir əməliyyat sistemi üzərində başqa bir əməliyyat sistemini qurub istifadə etməyə imkan verən proqramlardır. iPhone və iPad-lər üçün xüsusi hazırlanan UTM adı verilən virtuallaşdırma proqramı ilə bu cihazlara iOS-dan başqa Windows və Linux ƏS-lərini qurmağı mümkün edir. Hacking Jules Youtube kanalı bu proqramı istifadə edərək iPhone X-ə Windows 10 ƏS-ini yükləyə bildi.

UTM virtuallaşdırma proqramı ilə Apple iPhone X-ə Windows 10 əməliyyat sistemi quruldu.

Videodan göründüyü kimi iPhone X-ə yüklənilən Windows 10 çox yavaş işləyir. Windows-un əsas hissələri olan File Explorer (Fayl bələdçisi) və Ayarlar kimi bölmələrə girdikdə 30 saniyə gözləmək lazım olur. Qeyd edək ki, əməliyyat sistemi iPhone X-də tamamilə işləyə bilir. Hətta Paint və Office proqramları da açılır. Lakin biraz gözləmək lazım olur.     

İşin zəhmətli tərəfi isə odur ki, iPhone X-ə Windows 10-u yükləmək 2 saat qədər bir vaxt alır. Lakin Windows 10-un standart bir komputerə yüklənmə vaxtı isə 20-30 dəqiqə arası dəyişir. Apple tərəfindən SandCastle proyekti kimi məhkəməyə veriləcəyini düşündüyümüz üçün yükləmə linklərini və quraşdırılma təlimatlarına xəbərimizdə yer vermirik. SandCastle proyekti iPhone-lara Android yüklənilməsini mümkün edən proyekt idi və Apple tərəfindən məhkəməyə verildi.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.