Maraqlı

Çindəki bazardan dünyaya yayılan virusla bağlı dəhşətli detallar ÜZƏ ÇIXDI - ŞOK FOTOLAR

24 Fevral 2020 23:15
5 Şərh     Baxış: 6 938

Çinin Vuhan şəhərində yayılan və yüzlərlə insanın ölümünə səbəb olan koronavirusun ortaya çıxması ilə bağlı versiyalar analiz edilib.

Milli.Az xəbər verir ki, yeni tip koronavirus Kəskin Tənəffüs Yolu Sindromu (SARS-CoV) və Yaxın Şərq Tənəffüs Çatışmazlığı Sindromu (MERS-CoV) ilə eyni mənbədən gəlir. Bu iki sindromda da virusun qaynağı yarasadır. Lakin onun insana keçməsi üçün "vasitəçi" heyvan lazımdır.

"Tibbi Virusologiya" jurnalında yayımlanan araşdırmada yeni virusun qaynağının yarasa ola biləcəyi ehtimalı üzərində dayanılıb. Lakin koronavirusun insana keçməzdən əvvəl mutasiyaya uğraması ehtimal edilir. Araşdırmaçılar bu nöqtədə yeni virusun biri yarasadan yoluxmuş iki koronavirusun birləşməsi ola biləcəyini iddia edir.

ƏN BÖYÜK EHTİMAL - İLAN

Çinin Pekin Universiteti Səhiyyə Elmləri Mərkəzindən olan Vey Ci ilə Pekin, Nanninq, Ninqbo və Vuhan şəhərindən olan tədqiqatçılar virusa yoluxanlardan götürdükləri gen nümunələrindən yola çıxaraq müəyyən etdikləri genetik kodu fərqli növdə heyvanlardan alınan 217 koronavirusla qarşılaşdırıb. Araşdırmaçılar "2019-nCoV"dakı protein kodlarının daha çox Çində yaşayan 2 ilan növünün daşıdığı koronaviruslarla oxşarlıq təşkil etdiyini ortaya çıxarıb. Araşdırmanın nəticəsi virusun ilandan keçmiş ola biləcəyinə işarə verir.

İlanların Vuhan şəhərində virusun ortaya çıxdığı düşünülən dəniz məhsulları bazarında satılması virusun əvvəlcə yarasadan ilana, onlardan da insanlara yoluxması ehtimalını ağıla gətirir.

Buna baxmayaraq, Pekindəki Zoologiya İnstitutunun araşdırmaçısı Cinq Ayxua virusun qaynağı ilə bağlı olaraq təkcə genetik kodlaşdırmadakı oxşarlıqların bəs edəcək dəlil olmadığını söyləyib.

Qeyd edək ki, virusu tənəffüs, asqırıq və öskürək zamanı hava yolu ilə keçir. İlkin simptomları yüksək temperatur, boğaz ağrısı, öskürək, nəfəs çatışmazlığı və ishaldır. Bir müddət sonra sətəlcəm və böyrək çatışmazlığına səbəb olur.

Epidemiya 30-a yaxın ölkədə ortaya çıxıb. (publika.az)

Milli.Az

Məqaləyə dair fotomateriallar:

loading...

Şərh yaz:

5 Şərh:

  • Anonim
    Anonim · 24 Fevral 23:2690

    Sadece dehsetli menzere.iyrencdi

    Cavab yaz
  • Anonim
    KK · 25 Fevral 07:5010

    Heyvanların ahı tutub! Vəhşilikdi!

    Cavab yaz
  • Anonim
    Ruslan · 25 Fevral 09:0720

    Uuff sahar sahar ne geder

    Cavab yaz
  • Anonim
    Oxucu · 25 Fevral 11:3830

    Yarasanı, ilanı, soxulcanı necə yeyə bilirlər, dəhşətdir! Yarasaları qapqara yandırıb qril edirlər, balaca ilanların supunu yeyirlər. Başı, bütün sifəti üstündə supun içindən çıxan yarasaya bax hələ.... dişlərini də ağardıb baxır...

    Cavab yaz
  • Anonim
    ok · 25 Fevral 14:1410

    bunlara bu da azdir allahin qezebne tuş gelibler

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.