Maraqlı

Nəslin artması Quranın və hədislərin nəzərində

16 Fevral 2020 23:45
2 Şərh     Baxış: 1 460

Qurani-Kərimdə nəslin çoxaldılmasına aid açıq bir ayə bəyan olunmamışdır. Ancaq bəzi ayələr evliliyin məhz nəslin davam etdirilməsi üçün vacib olduğunu qeyd etmişdir. "(Ey gənclərin ixtiyar sahibləri,) subay kişilərinizi və ərsiz qadınlarınızı, eləcə də qul və kənizlərinizdən evlənmək istedadı olanları evləndirin". ("Nur" 32).

Baxmayaraq ki, bu ayə açıq şəkildə bəyan etməsə də, bu evliliyin səmərəsinin övladlar olacağına işarə etmişdir.

Milli.Az deyerler.org-a istinadən bildirir ki, Qurani-Kərimin başqa yerində oxuyuruq: "Əgər yetim qızlar barəsində (həmin dövrün adət-ənənəsinə uyğun evlənəcəyiniz təqdirdə) ədalətə riayət etməyəcəyinizdən qorxsanız, onda meyliniz olan (başqa) qadınlardan ikisi, ya üçü və ya dördü ilə evlənin. Və əgər birdən ədalətlə rəftar etməyəcəyinizdən qorxsanız, onda, yalnız bir qadınla, ya aldığınız bir kənizlə kifayətlənin. Bu iş sizin yolunuzu azmamağınıza və zülm etməməyinizə daha yaxındır". ("Nisa" 3).

Yenə də qeyd etməliyik ki, bu evliliyin səmərəsi əlbəttə ki, övlad dünyaya gətirməkdir.

Həzrət Peyğəmbərdən (s) gələn hədisdə oxuyuruq: "Ey kişilər və qadınlar! Bir-biriniz ilə evlənin! Nəslə sahib olun və çoxalın. Həqiqətən, mən Qiyamət günü sizin vasitənizlə başqa ümmətlərə fəxr edəcəyəm".

Qeyd etmək lazımdır ki, zaman və məkanın nəslin artırılmasına təsiri çoxdur. Əgər bunun üçün münasib şərait olarsa, şübhəsiz ki, nəsli artırmaq bəyənilən əməllərdən olar. Çünki övladın qidalanmasından tutmuş tərbiyəsinə qədər əgər münasib şərait olarsa, niyə də övladların sayı çox olmasın?

Əgər hədislərə nəzər salsaq, bu həqiqəti necə təsdiq etdiklərini görmək olar. Ona görə də deyə bilərik ki, nəsli çoxaltmaq - bəyənilən əməllərdəndir. Cəmiyyətə yaxşı tərbiyə almış, təhsil almış, sağlam övladlar təhvil vermək lazımdır.

Milli.Az

loading...

Şərh yaz:

2 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.