Maraqlı

LG-nin yeni V60 ThinQ flaqman smartfonu barəsində məlumatlar verilib

13 Fevral 2020 22:15

0 Şərh Baxış: 1 701

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

Məşhur insayder Evan Blass öz Twitter hesabında LG şirkətinin təqdimata hazırlaşan LG V60 ThinQ adlı yeni faqman smartfon modeli barəsində məlumatlar verib. Qeyd etmək lazımdır ki, sözügedən smartfon bu ayın sonunda Brselonada keçiriləcək MWC 2020 sərgisində təqdim edilməli idi. Lakin nəticədə LG şirkəti yayılan koronavirus səbəbilə həmin sərgidə iştirakdan imtina etdi.

Bu barədə Slashleaks saytı xəbər verib. Beləliklə Evan Blass-ın verdiyi məlumata əsaəsn LG V60 ThinQ smartfonu 4 ədəd mikrofona sahib olacaq və onlardan 2-si smartfonun arxa kameraları vasitəsilə çəkiləcək videolar üçün nəzərdə tutulacaq. Smartfonun daha bir özəlliyi ondan ibarət olacaq ki, o, 5000 mAh enerji tutumlu batareya ilə təchiz olunacaq.

Bununla yanaşı LG V60 ThinQ özündə 3.5 mm-lik audiogirişi də qoruyub saxlayacaq. Həmin giriş smartfonun aşağı hissəsində USB Type-C girişinin yanında yerləşəcək. Gözləntilərə əsasən yeni flaqman smartfon Snapdragon 865 prosessorunu və 5G modemi əldə edəcək. LG V60 ThinQ barəsində digər bir məlumat hələki yoxdur.

Milli.Az