Maraqlı

Damarlarda yaranan sərtliyin qarşısını almaq üçün... - Kardioloqlar AÇIQLAYIB

18 Yanvar 2020 23:45
0 Şərh     Baxış: 5 414
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Kardioloqlar arteriyaların sərtləşməsinin qarşısını almaqla bağlı tövsiyələr veriblər.

Milli.Az e-tibb.az-a istinadən bildirir ki, misirli kardioloqlar, damarların sərtləşməsinin çox vaxt artıq çəki ilə əlaqəli olduğunu bildiriblər.

Həkimlər damarların sərtləşməsinin piylənmə və qan damarlarında aterosklerotik ərp adlanan maddə toplanmasına gətirib çıxardığı üçün təhlukəli olduğunu vurğulayıblar.

Bildirilib ki, zamanla həmin ərplərin ölçüsü böyüyür və bu, qanın axmasına mane olur. Bu vəziyyət Alzheimer xəstəliyi kimi neyrodegenerativ xəstəliklərin inkişaf riskini də artırır.

Misir həkimləri bunun qarşısını almağın ən sadə yolunun arıqlamaq olduğunu bəyan ediblər. Bədən kütləsi indeksini normallaşdırmaq üçün normal yuxu olmalı, təzə meyvə-tərəvəzlərə üstünlük verilməli , şəkərli və qazlı içkilərin istifadəsi  məhdudlaşdırılmalıdır.

Onlar gündə 3-5 fincan şəkərsiz qəhvə içməklə qan dövranı sistemini təmizləməyi də məsləhət görürlər.

Bundan başqa, hesab olunur ki, su arıqlamaq üçün son dərəcə vacib elementdir. İçilən suyun gündəlik həcmi təxminən 2 litr olmalıdır. Arıqlmağa  nail olmaq üçün həftədə 3 dəfə fiziki məşqlər və zülal tərkibli qidalara üstünlük vermək də məsləhət görülür.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.