Maraqlı

Kiçik günahı kiçik hesab etmək niyə böyük günahdır?

21 Sentyabr 2019 23:40
0 Şərh     Baxış: 1 130
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Əmirəl-möminin (ə) buyurur: "Ən pis günah o günahdır ki, onu kiçik hesab edərlər".

Əhli-beyt (ə) həmişə bu sahədə bizə xəbərdarlıqlar vermişdir ki, bu xəbərdarlıqlar da özümüzə nəzarət etməyə yardım edir. İnsan bu hədisləri eşidəndən sonra günah yoluna qədəm basmaq istəmir və həyatını elə tənzim edir ki, davamlı olaraq Allahın razılığını əldə etsin. Bu hədislər bizim səhlənkarlığımızı diqqətə çevirir. (Tebyan)

Əgər insan səğirə günah işlədən zaman onu kiçik hesab edər və öz-özünə deyərsə ki, yaxşı ki, kəbirə günah deyildir və kiçikdir, bu zaman həqiqətən də kəbirə günah işləmiş olar. Çünki bu kiçik günahına görə tövbə etmək yerinə, özü ilə lovğalanır ki, yaxşı ki, böyük günah işlətməmişdir. Burada sevinməli bir hal yoxdur. Bu kiçik günah belə, insanın taleyini dəyişdirə bilir.

Mömin gərək hər bir günahdan çəkinsin. Belə ki, İmam Sadiq (ə) tərəfdaşlarından birinə buyurur: "Yaxşı iş hər kəsdən qəbul olunar. Ancaq səndən daha çox qəbul olunandır, çünki bizə bağlısan. Səni bizə nisbət verib deyərlər ki, o, İmam Sadiqin (ə) dostu və bir məclisdə əyləşənidir. Pis iş hamı üçün pisdir. Ancaq sənin üçün daha pisdir. Çünki sən bizə aidsən. Səni şəhərlərdə, küçələrdə və bazarlarda görən zaman deyərlər ki, o, İmam Sadiqin (ə) tərəfdaşlarındandır".

Heç bir günahı kiçik hesab etmə.

Hər bir günah bizə və ruhumuza zərbə vurur. Ola bilsin ki, bəzi günahların vurduğu zərbə başqalarına nisbətdə daha çox olsun, cəzası da böyük olsun. Ancaq bu, o demək deyildir ki, başqa günahların xətəri və təhlükəsi yoxdur. Heç bir günahı kiçik hesab etmək olmaz. Çünki Allahın haram buyurduğu hər bir əməl Onun narazılığına və qəzəbinə səbəb olar. O şey ki, bizi Allahdan narazı edər, heç də kiçik və az deyildir.

Əmirəl-möminin (ə) buyurur: "O şey ki, Qiyamət günü ziyan gətirər, kiçik deyildir".

Hər bir günah insanın aqibətini pis edə bilər. İmam Sadiq (ə) buyurur: "Nə zaman günah işlətmək fikri zehninə gələr, çalış ki, düçar olmayasan. Çünki mümkündür ki, Allah sizi bu halda görüb İzzət və Cəlalına and içsin ki, sizi bağışlamayacaqdır".

Şeytan adətən kiçik günahları insana dəyərsiz göstərir və onu vəsvəsə edir ki, bu günah heç də mühüm deyildir. İmam Sadiq (ə) buyurur: "Nifaqın nişanələrindən biri - günahları kiçik hesab etməkdir".

Zahirdə kiçik görünən günahlar bizə böyük günah işlətmək üçün ciürət verər və nəticədə bizi həlak edər. Ona görə də heç bir günahı kiçik bilməyək və tövbə etməyi unutmayaq.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.