Maraqlı

Görüşə getməyən yeniyetmələr daha təmkinli və gümrah ola bilərlər

13 Sentyabr 2019 22:04
0 Şərh     Baxış: 562

Romantik münasibətləri olmayan və görüşə getməyən yeniyetmələr digər yaşıdları ilə müqayisədə daha güclü sosial vərdişlərə malik olur, depressiyaya daha az məruz qalır.

Milli.Az AZƏRTAC-a istinadən bildirir ki, ABŞ-da aparılmış yeni araşdırmanın müəllifləri bu qənaətə gəliblər. 594 nəfər onuncu sinif şagirdi arasında aparılmış sorğuların nəticələri "Məktəblərdə sağlamlıq" jurnalında dərc olunub. Materialda qeyd edilir ki, romantik münasibətləri olmayan şagirdlər, müəllimlərin fikrincə, daha yüksək sosial vərdişlərə və liderlik keyfiyyətinə malik olur.

Yeniyetmə yaşında romantik münasibətlərə aludə olmayan şagirdlər nəticə etibarilə bu cür münasibətlərə sonrakı illərdə qoşulmuş yaşıdları ilə müqayisədə özlərini daha yaxşı hiss edirlər. Yeniyetmələr romantik münasibətlərin dramatizmi qarşısında aciz qalır, bu münasibətlər mürəkkəbləşəndə onlar depressiyaya məruz qalır. Həmin yaşda romantik münasibətləri olmayan şagirdlər isə bu mühüm keçid dövründə əsas diqqəti dərs məşğələlərinə, fiziki və mənəvi inkişafa yönəldirlər. Tədqiqat müəlliflərinin fikrincə, yeniyetmələrin sağlamlığına nail olmaq üçün erkən yeniyetməlik dövründə onların romantik görüşləri olmasa yaxşıdır.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.