Maraqlı

Rus həkim: Şərab ürək sağlamlığı üçün faydalı deyil

13 Avqust 2019 21:25
0 Şərh     Baxış: 1 618
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Gündə bir stəkan şərab içmək ürək-damar xəstəliklərinin inkişaf riskini azalda bilməz.

Milli.Az faktxeber.com-a istinadən bildirir ki, bu barədə RİA Novostiyə Rusiya Səhiyyə Nazirliyinin Vişnevski Cərrahiyyə Mərkəzinin ürək cərrahiyyəsi şöbəsinin müdiri Vadim Popov danışıb.

Həkimin qeyd etdiyi kimi, kişilər qadınlara nisbətən hormonal səviyyədəki fərqə görə ürək-damar xəstəliklərindən daha çox əziyyət çəkirlər.

"Kişilər stresə daha çox meyllidirlər, qeyri-sağlam həyat tərzinə və müxtəlif kənaraçıxmalara daha çox meyllidirlər", - deyə Popov bildirib.

O, uşaq doğuş yaşındakı qadınlarda hormonal fonun "damarların divarlarına zərər verməsinin qarşısını alan bir amil" olduğunu vurğulayıb.

Popov əlavə edib ki, gündə bir stəkan qırmızı şərabın ürək fəaliyyətinə müsbət təsir göstərə biləcəyi barədə fikirlər elmi olaraq təsdiqlənməyib.

Onun sözlərinə görə, araşdırmalar şərabın qan damarlarına xüsusi təsir göstərmədiyini göstərib.

Həkim 40 yaşdan yuxarı insanları ildə bir dəfə kardioloqa baş çəkməyə və mütəmadi tibbi müayinələrdən keçməyə çağırıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.