Maraqlı

Sloveniyalılar 1000 at qüvvəli hiperkar hazırlayıblar - FOTO

24 Avqust 2019 19:30
0 Şərh     Baxış: 646
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Sloveniya-Avstriya şirkəti olan Tushek & Spigel Supercars yeni TS 900 H Apex rodsteri haqqında məlumatı paylaşıb.

Tushek TS 900 H Apex modeli tərkibinə iki elektromotor və 5,2-litrlik V8 mühərrikinin daxil olduğu hibrid güc qurğu ilə təchiz edilir. Salonun arxasında yerləşən benzin mühərriki arxa oxu, elektromotorlar isə ön oxu hərəkətə gətirir. Hibrid güc qurğusunun hasilatı 963 at qüvvəsi və 1400 Nm fırlanma anıdır.

Milli.Az autograph.az-a istinadən bildirir ki, Tushek TS 900 H Apex modelinin şassisi xrom-molibden qarışığından hazırlanıb. Avtomobilin kuzovu isə tamamilə karbondandır. Hiperkarın ümumi çəkisi 1410 kq təşkil edir. Kupe 60 mil/saat (96 km/saat) həddinə 2,5 saniyəyə sürətlənir.

Superkarın hazırlanmasına Tushek Supercars firmasının banisi və sloveniyalı pilot Aleş Tuşek cavabdeh olub. Yarış rejimində keçirilmiş testlər bir neçə ay davam edib. Superkar bir ay sonra geniş kütlə qarşısında debüt edəcəkdir. Avtomobili 7 sentyabr tarixində Blenheym sarayında keçiriləcək Salon Prive tədbirində nümayiş etdiriləcəkdir. Hiperkarın tirajı və qiyməti açıqlanmayıb.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.