Maraqlı

Ən sürətli IPS monitorları nümayiş olunub - VİDEO

17 İyun 2019 08:35
0 Şərh     Baxış: 1 004
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

"LG" şirkəti "Е3 2019" sərgisində dünyanın ən sürətli IPS monitorlarını nümayiş etdirib.

Milli.Az ICTnews-a istinadən bildirir ki, monitorlar IPS matrisaları üçün rekord çağırışa cavab sürəti (1 milli-saniyə) ilə seçilir. Yenilənmiş "LG UltraGear" istehsal xəttinə 2 bükük ekranlı model daxildir. 144 QHs takt tezlikli yenilənmə, 2560x1440 piksel təsvir ölçülü və 350 kandel kvadratmetr (kd/m2) parlaqlıqlı 27 düym diaqonallı "LG 27GL850" monitoru "HDR10" standartını dəstəkləyir və iki "HDMI" və bir "DisplayPort" portu ilə təchiz edilib.

38 düym diaqonallı ekran və 3840x1600 piksel təsvir ölçülü "LG 38GL950G" modeli kiçik versiyadan artırılmış parlaqlığı (450 kd/m2) və yenilənmə tezliyini 144 qiqahersdən 175 QHs-dək sürətləndirmə imkanı ilə fərqlənir. Yeni model "NVIDIA G-Sync" texnologiyasını və "VESA DisplayHDR 400" standartını dəstəkləyir. Siqnal mənbəyinə qoşulma imkanlarını arxa paneldə yerləşən "HDMI" və "DisplayPort" çıxışları təqdim edir. Hər iki monitor "Dynamic Action Sync", "Black Stabilizer" və "Crosshair" texnologiyalarını dəstəkləyir. 38 düymlük model, həmçinin arxa qapaqda quraşdırılan "Sphere Lighting 2.0" "RGB" işıqlandırıcısı ilə təchiz olunub.

İlkin sifarişlərin qəbuluna iyulun 1-dən etibarən başlanacaq "LG 27GL850" monitorunun satışları bu ilin üçüncü rübünə planlaşdırılır. "LG 38GL950G" monitorunun buraxılış tarixi və modellərin qiyməti sonra elan ediləcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.